Isaías

45 Ya reʼ nuʼij Jehová che rä Ciro, ri chaʼon rma ryä, ri nchapon rqʼaʼ derecha rchë yenyaʼ tinamït pa rqʼaʼ, rchë nresaj kitzyaq rchë chʼaʼoj ri qʼatöy taq tzij, rchë njäq ri puertas ri kaʼiʼ kiwäch chwäch, ri xtuʼän chë ri puertas ma ye tzʼapäl ta taq xtapon kikʼë: 2 «Rïn xkibʼä chawäch rït y xtinbʼän liʼon chkë ri jyuʼ. Xkenmuch ri puertas ri yebʼanon rkʼë cobre y xkenwesaj pa kaʼiʼ ri barras ri yebʼanon rkʼë chʼichʼ. 9 ¡Jyuʼ rwäch ri nchʼojin che rä ri xbʼanö rchë, rma ryä xa jwechʼ barro ri kʼo chkikojöl ri nkʼaj chik jwechʼ barro ri ye kʼo pan ilew! ¿Ütz komä nuʼij ri barro che rä ri Ajbʼanöy Bʼojoʼy «¿Achkë naʼän?»? ¿O ütz komä nuʼij ri xbʼan rkʼë barro «Rït majun ta aqʼaʼ»? 10 ¡Jyuʼ rwäch ri nbʼin ya reʼ che rä rtat «¿Achkë rma xaʼän chwä chë xinaläx?» chqä ri nbʼin ya reʼ che rä rteʼ «¿Achkë rma xinakʼäm pä chwäch Rwachʼlew?»! 11 Ya reʼ nuʼij Jehová, ri Loqʼoläj rchë Israel, ri xbʼanö rchë: «¿Ma ninmaj ta rïx chrij ri xtinbʼän chqawäch apü o xtiʼij chwä achkë nkʼatzin nbʼän kikʼë walkʼwal chqä rkʼë ri yenbʼanon rkʼë nqʼaʼ? 12 Rïn xibʼanö le Rwachʼlew chqä ri winäq ri ye kʼo chwäch. Kan rkʼë nqʼaʼ xinrïkʼ ri kaj, y rïn yibʼin chkë ri chʼumilaʼ chqä jontir ri kʼo chkaj achkë kʼo chë nkiʼän». 18 Rma ya reʼ nuʼij Jehová, ri xbʼanö ri kaj, ri kʼaslïk Dios, ri xbʼanö le Rwachʼlew chqä ri xyaʼö qa pa rkʼojlibʼäl. Ryä ma xuʼän ta le Rwachʼlew rchë chë majun ta jun njeʼ chwäch, xa kan xuʼän rchë chë kʼo winäq yejeʼ chwäch: «Rïn yïn Jehová y majun ta chik jun.