Ezequiel

3 Chrij riʼ, ryä xuʼij chwä: «Rït, ri rkʼajol ri achï, tatjaʼ ri kʼo chawäch. Tatjaʼ re rollo reʼ y chrij riʼ jät kabʼetzjon rkʼë ri tinamït Israel». 2 Rma riʼ xinjäq nchiʼ, y ryä xuʼän chwä chë xintäj ri rollo riʼ. 3 Chqä xuʼij chwä: «Rït, ri rkʼajol ri achï, tatjaʼ ri rollo ri najin nyaʼ chawä rchë nnuj apan rkʼë». Rma riʼ xinchäp rtjik, y rkiʼil xinnaʼ kan achiʼel ri ryiʼal kabʼ. 7 Ye kʼa ri awinaq ma xtkajoʼ ta xtkiyaʼ kixkïn chawä rma ma nkajoʼ ta nkiyaʼ kixkïn chwä rïn. Jontir ri ye aj Israel kan ma ntok ta tzij pa kijolon chqä ma yenman ta tzij. 8 Rma riʼ, xinbʼän kuw che rä awachbʼäl rït kan achiʼel kichbʼäl ryeʼ y xinbʼän kuw che rä ri nkʼäj awäch rït kan achiʼel ri nkʼäj kiwäch ryeʼ. 9 Rïn xinbʼän kuw chë ri nkʼäj awäch rït kan achiʼel ri diamante, más kuw chwäch jun abʼäj. Ma taxiʼij ta awiʼ chkiwäch, chqä ri kichbʼäl ryeʼ ma tkiʼän ta chë kowan naxiʼij awiʼ, rma jontir ryeʼ kan ye tïx». 10 Ryä chqä xuʼij chwä: «Rït, ri rkʼajol ri achï, tayaʼ axkïn chqä kan tanmaj ri tzij ri najin nbʼij chawä.