Levítico

7 Chrij riʼ, Aarón xkerkʼwaj äl ri kaʼiʼ aläj taq kʼsïkʼ y xkeryaʼ chwäch Jehová chwäch ri tabernáculo. 8 Aarón xtkʼäq kaʼiʼ koköj taq abʼäj rchë xttzʼët achkë kʼsïkʼ xtyaʼöx che rä Jehová y achkë kʼsïkʼ xtkʼwan äl ri mak. 9 Aarón xtkʼüt apü ri kʼsïkʼ ri xtyaʼöx che rä Jehová y xttzüj rchë kuyubʼäl mak. 10 Ye kʼa ri aläj kʼsïkʼ ri xchaʼöx rchë nukʼwaj äl ri mak kʼo chë nekʼwäx chwäch Jehová. Ri aläj kʼsïkʼ riʼ xttaq äl pa desierto rchë nukʼwaj äl ri mak, ke riʼ xtkuy rmak ri tinamït. 12 Y ryä kʼo chë nuchäp ri rkʼojlibʼäl pon ri nujnäq rkʼë rachäq qʼaqʼ ri kʼo pa rwiʼ ri altar ri kʼo chwäch Jehová, chqä kaʼiʼ moqʼ pon ri niʼj bʼanon che rä, y kʼo chë yerkʼwaj äl chrij ri cortina. 13 Y kʼo chë nuyaʼ ri pon pa rwiʼ ri rachäq qʼaqʼ chwäch Jehová, y ri sübʼ ri xtresaj ri pon xtküch rwiʼ ri Arca rchë ri Jikibʼäl Tzij, rchë chë ryä ma xtkäm ta. 20 Taq xchʼajchʼobʼej yän ri Santísimo, ri tabernáculo chqä ri altar, xtkʼüt apü chqä ri aläj kʼsïkʼ ri kʼäs qa. 21 Aarón xtyaʼ che kaʼiʼ rqʼaʼ pa rwiʼ rjolon ri kʼsïkʼ riʼ y xtuʼij jontir ri ma ütz ta kibʼanon ri israelitas, ri akuchï ye sachnäq wä chqä ri mak kibʼanon, y xtyaʼ äl ri mak pa rwiʼ rjolon ri kʼsïkʼ y xttäq äl pa desierto, y xtekʼwäx äl rma jun achï ri chaʼon rchë nuʼän riʼ. 22 Ri kʼsïkʼ xtkʼwaj äl jontir kimak ryeʼ y xtkʼwaj äl chpan jun ilew ri desierto rwäch, y ri kʼsïkʼ xttaq äl pa desierto.