Habacuc

2 Jehová, ¿kʼa ajän kʼo chë nräq nchiʼ rchë nkʼutuj ntoʼik, ye kʼa rït ma nakʼoxaj ta? ¿Kʼa ajän xkitaneʼ chukʼutxik ntoʼik chwäch ri itzelal, ye kʼa rït majun achkë ta naʼän? 3 ¿Achkë rma rït naʼän chwä chë ntzʼët ri itzelal? ¿Achkë rma nayaʼ qʼij chë ri winäq nyaʼöx tijöj poqonal pa kiwiʼ? ¿Achkë rma kan chi nwäch rïn yebʼanatäj wä ri itzelal? ¿Achkë rma yebʼanatäj chʼaʼoj y ri winäq nkitzurlaʼ kiʼ? 5 «¡Kixtzuʼun chkikojöl ri tinamït y tikʼoxaj! Kan ttel ikʼuʼx rma kʼo jun xtbʼanatäj chiwäch ri qʼij ri yïx kʼo komä. Y kan ma xtinmaj ta ri xtbʼanatäj tapeʼ kan xttzjöx chiwä. 6 Y titzʼetaʼ chë ri caldeos, ri tinamït ri kan itzel chqä kan chanin nkatäj ryowal, xkermäj nimaʼq taq jyuʼ chqä jay y xkeʼok rchë ryä. 7 Kan itzel ri rbʼanik chqä kan nuyaʼ xbʼin·ïl. Y ri rpixaʼ ryä ya ri xtuyaʼ qa. 12 Nimaläj Jehová, ¿ma yït ta komä rït ri ronojel mul yït kʼo pä? Nimaläj nDios, ri kan yït Loqʼoläj, rït ma yakäm ta. Nimaläj Jehová, rït xeʼachaʼ ryeʼ rchë nkiʼän ri achʼobʼon naʼän; Wabʼäj, rït xachaʼö kichë ryeʼ rchë ri winäq nkitöj kimak pa kiqʼaʼ ryeʼ. 13 Ri rnaqʼ awäch rït Jehová kan yë loqʼoläj y ma nawajoʼ ta natzʼët ri itzelal chqä ma nawajoʼ ta natzʼët taq nyaʼöx kʼayewal pa kiwiʼ ri winäq. ¿Achkë kʼa rma xa xuʼ natzuʼ ri yeqʼolon chqä majun achkë ta naʼän taq natzʼët chë jun itzel winäq achiʼel ta kan nubʼïqʼ jun chik ri ma kan ta itzel rnaʼoj? 14 ¿Y achkë rma naʼän chë ri achï ntok achiʼel ri kär ri ye kʼo chpan ri mar, achiʼel ri chköp ri nkiqrerej kiʼ y majun achkë ta nchʼobʼonäj pa kiwiʼ? 17 ¿Taqïl komä xtjäm qa ryaʼl rchë chapöy kär y ma xtuyaʼ ta qa kikamsaxik jontir ri tinamït y ma xtjyowaj ta kiwäch?