Hechos

6 Ye kʼa Pedro xuʼij reʼ che rä: «Majun ta plata nixta oro wkʼë, ye kʼa nyaʼ ri kʼo wkʼë chawä. ¡Pa rbʼiʼ Jesucristo ri Nazareno, kabʼiyïn!». 12 Taq Pedro xtzʼët ya riʼ, xuʼij reʼ chkë: «Achiʼaʼ aj Israel, ¿achkë rma kowan ntel ikʼuʼx? ¿Achkë rma ke laʼ rbʼanik yojitzʼët kan achiʼel ta rkʼë qachqʼaʼ röj o rma ri rbʼanik nqayaʼ rqʼij Dios ri xqaʼän chë nbʼiyïn re achï reʼ? 15 y xikamsaj ri Ukʼwäy Bʼey ri nyaʼö ri kʼaslemal. Ye kʼa Dios xkʼasoj pä chkikojöl ri kamnaqiʼ y röj kan xqatzʼët ya riʼ. 16 Rma rbʼiʼ ryä chqä rma qakʼuqbʼan qakʼuʼx chrij rbʼiʼ, xkʼachojsäx re achï reʼ ri najin nitzʼët chqä itaman rwäch. Rma Jesús, röj qakʼuqbʼan qakʼuʼx chrij Dios, ya riʼ xbʼanö chë xkʼachöj re achï reʼ, y kan yïx rïx xixtzʼetö riʼ. 17 Wachʼalal, rïn ntaman chë rïx xiʼän ya riʼ rma majun ta wä itaman chrij riʼ, kan achiʼel chqä ri yeqʼatö tzij pan iwiʼ. 19 Rma riʼ, titzolij iwiʼ chqä tijalaʼ ri bʼey ikʼwan rchë ke riʼ xtkuytäj imak. We xtiʼän riʼ, kan yë Jehová xtbʼanö chë jaʼäl xtnaʼ iwan. 21 Ryä kʼo chë xtjeʼ chlaʼ chkaj kʼa taq xkeʼapon ri qʼij taq xtchojmïx jontir ri k’o ri rbʼin qa Dios kimä ri loqʼoläj rprofetas ri xejeʼ ojer.