Romanos

13 Jontir kʼo chë nkinmaj kitzij ri qʼatbʼäl taq tzij, rma yë Dios yaʼon uchqʼaʼ pa kiqʼaʼ; ri qʼatbʼäl taq tzij ri ye kʼo, yë Dios ryaʼon qʼij chkë rchë nkiqʼät tzij. 2 Rma riʼ, ri winäq ri ma nunmaj ta kitzij ri qʼatbʼäl taq tzij, ma najin ta nuʼän ri rbʼin qa Dios, y ri winäq ri ma nkiʼän ta riʼ xtqʼat tzij pa kiwiʼ. 4 [...] Ye kʼa, we najin naʼän ri ma ütz ta, taxiʼij awiʼ [...] 7 Tiyaʼ chkë jontir ri taqäl chkij nyaʼöx chkë: ri nkʼutun impuesto, titojoʼ ri impuesto che rä; ri nkʼutun chë tixiʼij iwiʼ chwäch, tixiʼij iwiʼ chwäch; ri nkʼutun chë tyaʼöx rqʼij, tiyaʼ rqʼij. 8 Jontir ri kʼo chë niyaʼ, tiyaʼ; xa xuʼ ri ajowabʼäl ri nikʼüt chiwäch ma kixtaneʼ ta chuyaʼik, rma ri nkʼutü ri ajowabʼäl chkiwäch ri winäq najin nusmajij ri Pixaʼ. 9 Rma ri pixaʼ —«ma takanuj rkʼexel ri akʼlaj, ma kakamsan, ma kaleqʼan, ma tarayij ri bʼeyomäl», chqä xa bʼa achkë na chik jun pixaʼ kʼo— yeʼel pä chpan re pixaʼ reʼ: «Keʼawajoʼ ri winäq achiʼel nawajoʼ awiʼ rït». 10 Ri ajowabʼäl ma nuʼän ta ri itzelal che rä jun chik; rma riʼ, ri ajowabʼäl ya riʼ ri rsamajxik ri pixaʼ.