Génesis

33 Taq Jacob xyäk rjolon, xtzʼët chë Esaú petenäq kikʼë 400 achiʼaʼ. Rma riʼ xerjäch ri akʼalaʼ y xeryaʼ äl kikʼë kiteʼ, rkʼë Lea, Raquel chqä ri kaʼiʼ kisamajelaʼ. 2 Xeryaʼ äl pä naʼäy ri kaʼiʼ samajelaʼ riʼ chqä kal, chrij riʼ Lea chqä jontir ral, y kʼa chrij xeryaʼ äl Raquel chqä José. 3 Chrij riʼ Jacob xqʼax äl chkiwäch jontir y taq najin wä nbʼiyïn äl xqasaj riʼ 7 mul pan ilew chwäch rnmal. 4 Ye kʼa Esaú xkʼäq äl anin rchë xbʼerkʼuluʼ, xqʼetej chqä xtzʼmaj rchiʼ, y che kaʼiʼ xkichäp oqʼej. 5 Taq Esaú xyäk rjolon, xertzʼët ri ixoqiʼ chqä ri akʼalaʼ y xkʼutuj: «¿Ye achkë ryeʼ ri ye petenäq awkʼë?». Jacob xuʼij che rä: «Wajaw, ya reʼ jontir ri walkʼwal ri ryaʼon Dios». 6 Kan xa xuʼ xuʼij riʼ, ri kisamajelaʼ Lea chqä Raquel chqä ri kal xejelun pä rkʼë Esaú y xkiqasaj kiʼ pan ilew chwäch, 7 chrij riʼ xjelun pä Lea chqä jontir ral y xkiqasaj kiʼ pan ilew. Pa rkʼisbʼäl, xjelun pä José chqä Raquel y xkiqasaj kiʼ pan ilew chwäch Esaú. 8 Esaú xkʼutuj che rä Jacob: «¿Achkë rma xatäq pä ri asamajelaʼ chqä jontir ri chköp ri xenkʼül pa bʼey?». Y ryä xuʼij che rä: «Rchë kiʼ akʼuʼx naʼän wkʼë, wajaw». 9 Esaú xuʼij che rä: «Jacob, rïn kan kʼïy chik ri achkë kʼo wkʼë. Ya reʼ awchë rït. Ma tayaʼ ta chwä». 10 Ye kʼa Jacob xuʼij che rä: «Manä, we rït kiʼ akʼuʼx wkʼë, tabʼanaʼ utzil, takʼamaʼ re spanïk reʼ, rma xinkʼäm pä rchë yikowin yatintzʼët. Rma komä ya xatintzʼët, rïn nnaʼ chë achiʼel ta xintzʼët Dios, rma rït kan ütz nkʼulik xaʼän. 11 Tabʼanaʼ utzil, takʼamaʼ ri spanïk ri nkʼamon pä chawä, rma Dios kan kʼïy utzil ryaʼon pa nwiʼ y kʼo jontir wkʼë ri nkʼatzin chwä». Y kan xtäj rqʼij chrij Esaú kʼa taq xkʼän ri spanïk riʼ. 20 Chriʼ xuʼän wä jun altar y ri rbʼiʼ xyaʼ ya riʼ Dios, ri Dios rchë Israel.