Santiago

4 Rïx ri iyaʼon qa Dios, ¿ma itaman ta chë ri winäq ri njunmatäj rwäch kikʼë ri ma nkiyaʼ ta rqʼij Dios xa najin ntok rkʼulel Dios? Rma riʼ, xa bʼa achkë ri nrajoʼ njunmatäj rwäch kikʼë ri ma nkiyaʼ ta rqʼij Dios xa najin ntok rkʼulel Dios. 5 [...] «Ri uchqʼaʼ ri oknäq pa qan nuʼän chë itzel nqanaʼ chkë nkʼaj chik»? 6 Ye kʼa ri utzil nukʼüt ryä chqawäch, ri ma taqäl ta chqij nqakʼül, kan más na chik nüm. Rma riʼ, ri Rchʼaʼäl Dios nuʼij: «Dios itzel yertzʼët ri xa nkinaʼ kiʼ, ye kʼa kan ütz rnaʼoj nuʼän kikʼë ri ma nkinaʼ ta kiʼ tapeʼ ma taqäl ta chkij». 7 Rma riʼ, tinmaj rtzij Dios, ye kʼa tipabʼaʼ iwiʼ chwäch ri Diablo, ke riʼ xtanmäj äl chiwäch. 8 Kixjelun rkʼë Dios, y ryä xtjelun pä iwkʼë rïx. Tichʼajchʼobʼej iqʼaʼ, rïx ri yïx ajmakiʼ, chqä tichʼajchʼobʼej iwan, rïx ri xa kaʼiʼ rbʼanon ikʼuʼx. 13 Komä, kinikʼoxaj rïx ri niʼij ya reʼ «Komä o chwaʼq xtqbʼä chpan le tinamït laʼ, xtqjeʼ jun jnaʼ chriʼ, xtqaʼän qakʼayij y xtqachʼäk kʼïy päq», 14 ye kʼa ma itaman ta achkë xtbʼanatäj rkʼë ikʼaslemal chwaʼq kabʼij. Rma rïx yïx achiʼel jun sutzʼ ri xa jbʼaʼ tiempo nqʼalajin y chrij riʼ xa nkʼis äl. 15 Pa rkʼexel riʼ, rïx kʼo ta chë niʼij «Si Jehová nrajoʼ, xtqkʼaseʼ chqä xtqaʼän ya reʼ o ya laʼ». 17 Rma ri’, we jun winäq rtaman achkë riʼ ri ütz ye k’a ma nu’än ta, xa najin nmakun.