Salmos

1 Kiʼ rkʼuʼx ri winäq ri ma nuʼän ta ri nkiʼij ri itzel taq winäq, ri ma nbʼä ta pa kibʼey ri ajmakiʼ chqä ri ma ntzʼyeʼ ta pa kitzʼibʼäl ri yeyoqʼon. 2 Pa rkʼexel riʼ, xa kan bʼenäq ran chrij rpixaʼ Jehová, y paqʼij chë chaqʼaʼ nuskʼij rwäch chqä nchʼobʼon chrij. 3 Ryä xttok achiʼel jun cheʼ ri tkïl chuchiʼ jun raqän yaʼ, jun cheʼ ri kan pa rqʼijul nuyaʼ rwäch chqä ma yemayamoʼ ta qa rxaq. Jontir ri xtuʼän ri winäq riʼ kan ütz xttel chwäch. 4 Ye k’a ri itzel taq winäq ma ke riʼ ta nkiʼän, ryeʼ ye achiʼel kʼïn ri yekʼwäx rma ri kaqʼiqʼ. 6 Rma Jehová najin nutzʼët achkë bʼey kikʼwan ri chöj kikʼaslemal, ye kʼa ri kibʼey ri itzel taq winäq xa xtbʼekʼis.