Proverbios

5 Ri winäq ajnaʼoj kan nuyaʼ rxkïn chqä nukʼän ri naʼoj yeyaʼöx che rä; ri achï ri kan nqʼax chwäch ri nbʼix che rä kan xtrïl achkë xtyaʼö rnaʼoj, 8 Rma riʼ walkʼwal, tayaʼ axkïn taq atat yaturpixabʼaj y ma tayaʼ ta qa kisamajxik ri naʼoj xkʼüt ateʼ chawäch. 9 Rma ya riʼ achiʼel ta jun jaʼäl corona ri xtjeʼ pan ajolon chqä jun rtzʼbʼalul aqül ri kan nüm rajäl. 10 Taʼ, we ri itzel taq winäq nkajoʼ chë rït naʼän ri nkiʼän ryeʼ, ma kaqä ta pa kiqʼaʼ. 20 Ri naʼoj ri kantzij yaturtoʼ achiʼel ta kan nüm rchʼaʼäl nuʼän pa taq bʼey, pa taq kʼaybʼäl 21 chqä pa taq esquinas chkë ri bʼey ri akuchï kan kʼïy winäq yeqʼax. Chuchiʼ ri tinamït achiʼel ta nuʼij: 22 «Rïx, ri ma nqä ta chiwäch njeʼ más inaʼoj, ¿kʼa ajän xtikanuj inaʼoj? Rïx, ri nqä chiwäch yixtzeʼen chkij ri nkʼaj chik, ¿kʼa ajän ma xtiʼän ta chik riʼ? Y rïx, ri majun ta inaʼoj ri kan itzel ninaʼ che rä ri etamabʼäl, ¿kʼa ajän xtijäl inaʼoj? 23 Tikʼamaʼ ri naʼoj nyaʼ chiwä. We xtiʼän riʼ, xtinyaʼ wespíritu pan iwiʼ, xtinbʼän chë xtqʼax pan ijolon ri ntzij. 24 Tapeʼ xixinskʼij, rïx ma xiniwajoʼ ta; tapeʼ xinwajoʼ xixintoʼ, rïx ma xiyaʼ ta ixkïn chwä; 25 ronojel mul ma xismajij ta ri naʼoj xinyaʼ chiwä chqä ma xinmaj ta tzij taq xixinpixabʼaj. 31 Rma riʼ xtkijqalej qa jontir ri ma ütz ta nkiʼän, xtikʼo kikʼuʼx chkë jontir ri ma ütz ta ri kichʼobʼon nkiʼän. 33 Ye kʼa ri nyaʼö rxkïn chwä ma xtxiʼin ta rij rkʼaslemal chqä ri xbʼïn·ïl chë kʼo ma ütz ta xtbʼanatäj rkʼë ma xtuʼän ta chë xtchʼpü rkʼuʼx».