Lucas

3 Taq Tiberio César rkʼwan wä chik 15 jnaʼ najin nuqʼät tzij, —taq Poncio Pilato qʼatöy tzij pa rwiʼ Judea, Herodes qʼatöy tzij pa rwiʼ Galilea, Filipo, ri rnmal, qʼatöy tzij pa rwiʼ Iturea chqä Traconítide, y Lisanias qʼatöy tzij pa rwiʼ Abilene—, 2 pa kiqʼij qa Anás chqä Caifás, kaʼiʼ chkë ri sacerdotes ri kʼo más kiqʼij, Dios kʼo jun rtzjol xyaʼ pä che rä Juan, ri rkʼajol Zacarías, taq kʼo wä pa tzʼiran ilew. 3 Rma riʼ ryä xbʼä chuchiʼ ri raqän yaʼ Jordán y xchäp rtzjoxik chkë ri winäq chë nkʼatzin yebʼan bautizar rchë nkikʼüt chë xkitzolij kiʼ chqä rchë Dios nuküy kimak. 4 Xbʼanatäj kan achiʼel tzʼibʼatäl qa chpan rwuj ri profeta Isaías: «Kʼo jun ri kan kuw najin nuʼij reʼ pa tzʼiran ilew: ‹¡Tibʼanaʼ rbʼanik rbʼey Jehová! Tibʼanaʼ chë rbʼey ryä jïk yekanaj. 5 Jontir swan kʼo chë yenujsäx, y jontir jyuʼ, nmaʼq o koköj, kʼo chë liʼon kiwäch nbʼan chkë. Ri bʼey ri ma jïk ta kibʼanon kʼo chë jïk nbʼan chkë y ri bʼey ri ma ütz ta kibʼanon kʼo chë nbʼan kibʼanik. 6 Ke riʼ jontir xtkitzʼët ri rbʼanik xkerköl Dios ri winäq›». 10 Y ri winäq nkiʼij wä reʼ che rä: «Taʼij chqë achkë nkʼatzin nqaʼän». 11 Ryä nuʼij wä reʼ chkë: «Ri winäq ri kʼo kaʼiʼ rtzyaq tyaʼ jun rchë ri majun ta kʼo rkʼë, y ri winäq ri kʼo achkë nutäj tspaj jbʼaʼ rchë ri majun kʼo rkʼë». 12 Yajün ri yemolö impuesto xeʼapon rkʼë rchë xebʼan bautizar. Y xkikʼutuj reʼ che rä: «Maestro, ¿achkë nkʼatzin nqaʼän?». 13 Ryä xuʼij reʼ chkë: «Xa xuʼ ri päq ri nuʼij ri ley tikʼutuj, y ma tikʼutuj ta más chwäch riʼ». 14 Chqä ri soldados nkikʼutuj wä reʼ che rä: «¿Achkë nkʼatzin nqaʼän?». Ryä nuʼij wä reʼ chkë: «Ma timäj ta kirajil ri nkʼaj chik, nixta tiqʼabʼaj tzij chkij. Pa rkʼexel riʼ, kiʼ ikʼuʼx tibʼanaʼ rkʼë ri ntoj chiwä». 15 Rma ri winäq kiyoʼen wä ri Mesías, jontir xkiquʼ wä rij si Juan ya riʼ wä ri Cristo. 16 Rma riʼ Juan xuʼij reʼ chkë jontir: «Rïn yixinbʼän bautizar rkʼë yaʼ, ye kʼa petenäq ri kʼo más uchqʼaʼ pa rqʼaʼ chi nwäch rïn, y rïn kan ma taqäl ta chwij nkïr rxajabʼ. Ryä xkixur·än bautizar rkʼë ri loqʼoläj rchqʼaʼ Dios chqä rkʼë qʼaqʼ. 17 Ryä kʼo chik ri samajbʼäl pa rqʼaʼ rchë nujosqʼij ri trigo, rchë numöl äl chqä rchë nukʼöl. Ye kʼa ri qʼayis xtporoj rkʼë jun qʼaqʼ ri majun bʼëy nchup ta». 18 Ryä chqä kʼïy xkʼüt chkiwäch ri winäq y ma xyaʼ ta qa rtzjoxik ri ütz taq rtzjol chkë. 21 Y taq jontir winäq yeqasan chik pa yaʼ, Jesús chqä xqasäx pa yaʼ. Loman najin nchʼö rkʼë Dios, ri kaj xjaqatäj 22 y ri loqʼoläj rchqʼaʼ Dios xqä pä pa rwiʼ ryä achiʼel jun paloma, y xkʼaxatäj jun chʼaʼäl chlaʼ chkaj ri xuʼij: «Rït yït Nkʼajol ri kowan nwajoʼ. Rïn kan kiʼ nkʼuʼx awkʼë». 23 Taq Jesús xchäp rtzjoxik rchʼaʼäl Dios, kʼo wä 30 rjnaʼ. Ri winäq kitaman wä chë ryä rkʼajol José, José rkʼajol Helí, 24 Helí rkʼajol Matat, Matat rkʼajol Leví, Leví rkʼajol Melquí, Melquí rkʼajol Janaí, Janaí rkʼajol José, 25 José rkʼajol Matatías, Matatías rkʼajol Amós, Amós rkʼajol Nahúm, Nahúm rkʼajol Eslí, Eslí rkʼajol Nagái, 26 Nagái rkʼajol Maat, Maat rkʼajol Matatías, Matatías rkʼajol Semeín, Semeín rkʼajol Josec, Josec rkʼajol Jodá, 27 Jodá rkʼajol Joanán, Joanán rkʼajol Resá, Resá rkʼajol Zorobabel, Zorobabel rkʼajol Sealtiel, Sealtiel rkʼajol Nerí, 28 Nerí rkʼajol Melquí, Melquí rkʼajol Adí, Adí rkʼajol Cosam, Cosam rkʼajol Elmadam, Elmadam rkʼajol Er, 29 Er rkʼajol Jesús, Jesús rkʼajol Eliezer, Eliezer rkʼajol Jorim, Jorim rkʼajol Matat, Matat rkʼajol Leví, 30 Leví rkʼajol Simeón, Simeón rkʼajol Judas, Judas rkʼajol José, José rkʼajol Jonam, Jonam rkʼajol Eliaquim, 31 Eliaquim rkʼajol Meleá, Meleá rkʼajol Mená, Mená rkʼajol Matatá, Matatá rkʼajol Natán, Natán rkʼajol David, 32 David rkʼajol Jesé, Jesé rkʼajol Obed, Obed rkʼajol Boaz, Boaz rkʼajol Salmón, Salmón rkʼajol Nahsón, 33 Nahsón rkʼajol Aminadab, Aminadab rkʼajol Arní, Arní rkʼajol Hezrón, Hezrón rkʼajol Pérez, Pérez rkʼajol Judá, 34 Judá rkʼajol Jacob, Jacob rkʼajol Isaac, Isaac rkʼajol Abrahán, Abrahán rkʼajol Taré, Taré rkʼajol Nacor, 35 Nacor rkʼajol Serug, Serug rkʼajol Reú, Reú rkʼajol Péleg, Péleg rkʼajol Éber, Éber rkʼajol Selá, 36 Selá rkʼajol Cainán, Cainán rkʼajol Arpaksad, Arpaksad rkʼajol Sem, Sem rkʼajol Noé, Noé rkʼajol Lamec, 37 Lamec rkʼajol Matusalén, Matusalén rkʼajol Enoc, Enoc rkʼajol Jared, Jared rkʼajol Mahalaleel, Mahalaleel rkʼajol Cainán, 38 Cainán rkʼajol Enós, Enós rkʼajol Set, Set rkʼajol Adán, Adán rkʼajol Dios.