1 Samuel

2 Y ryä kʼo wä kaʼiʼ rxjayil. Jun Ana rbʼiʼ, y ri jun chik, Peniná. Peniná ye kʼo wä ral, ye kʼa Ana majun ta wä ral. 6 Y ri jun chik rxjayil ri rchjil chaq taqïl wä ntzeʼen chrij xa xuʼ rchë ryä poqän nunaʼ qa ran, rma Jehová ma ryaʼon ta pä ral. 7 Y ronojel jnaʼ ke riʼ wä nuʼän che rä. Ronojel mul taq Ana nbʼä wä pa rachoch Jehová, Peniná kowan wä ntzeʼen chrij, ya riʼ nuʼän wä chë Ana ntoqʼ chqä ma nraj ta wä chik rway. 10 Ana, rma janina nbʼison, xchʼö rkʼë Jehová y ma ntaneʼ ta wä chë oqʼej. 11 Ryä xtzüj reʼ che rä: «¡Nimaläj Jehová, ri yatkʼwayon bʼey chkiwäch ri ángeles! Tatzʼetaʼ jaruʼ tijöj poqonal najin nqʼaxaj. We yinatäj chawä —rïn ri asamajel—, we ma yinamestaj ta y nayaʼ jun ti wal kʼajol, rïn xtinyaʼ chawä Jehová rchë xtyaʼ aqʼij jontir rkʼaslemal. Y majun bʼëy xtsokäx ta rwiʼ». 15 Rma riʼ Ana xuʼij: «¡Manä, Tat! Rïn xa yïn jun ixöq ri kowan najin ntäj poqän; rïn ma nqmun ta vino nixta jun yaʼ chik rchë qʼabʼarïk, ye kʼa xa najin nbʼij ronojel ri kʼo pa wan che rä Jehová. 17 Rma riʼ Elí xuʼij che rä: «Takʼuqbʼaʼ akʼuʼx, y ri Dios rchë Israel xtyaʼ ta kʼa chawä ri xakʼutuj che rä». 18 Y ryä xuʼij reʼ che rä: «Kan ütz ta kʼa xkinatzʼët rïn, ri asamajel». Chrij riʼ, Ana xbʼä äl chqä xraj chik jmul rway, y ma xbʼison ta chik. 27 Rïn xinkʼutuj che rä Jehová chë tyaʼ pä re ti wal reʼ, y ryä kan xyaʼ pä ri xinkʼutuj che rä.