Colosenses

2 Tiyaʼ iwan chrij ri kʼo chkaj y ma chrij ri ye kʼo chwäch le Rwachʼlew. 5 Rma riʼ, tikamsaj jontir ri peraj rchë ri ichʼakul ri kikʼwan kiʼ rkʼë ri tzʼil taq bʼanobʼäl, ri nakʼwaj jun kʼaslemal ri ma chʼajchʼöj ta, ri kan narayij naʼän tzʼil taq bʼanobʼäl rkʼë jun winäq, ri itzel taq raynïk chqä ri jakʼakʼenïk, ri xa jnan rkʼë nayaʼ kiqʼij tyox. 8 Ye kʼa komä keʼiyaʼ qa re itzel taq naʼoj reʼ: ri kan nkatäj ayowal, ri yeʼaʼän itzelal, ri yeʼaʼij tzij ri xa yesokon, chqä ma ttel ta itzel taq tzij pan ichiʼ. 9 Ma titzʼukulaʼ ta tzij chiwäch. Xa keʼiyaʼ qa ri naʼoj ri xeʼikʼwaj ojer chqä ri bʼanobʼäl ri kikʼwan kiʼ kikʼë ri naʼoj riʼ, 10 y tiweqaʼ iwiʼ kikʼë ri kʼakʼakʼ taq naʼoj, ri rma jun tzʼaqät etamabʼäl eqal xtkiʼän kan achiʼel ri naʼoj ye kʼo rkʼë Dios 11 chqä ri nkiʼän chawä chë ma natzʼët ta na we jun winäq griego o judío, we rbʼanon circuncidar riʼ o manä, we israelita o manä, we ütz rnaʼoj o manä, we xmïl pa samaj o manä, rma kan yë Cristo kʼo pa rwiʼ ronojel y kʼo iwkʼë jontir. 12 Rma riʼ, rma yixchaʼon rma Dios, yïx loqʼoläj chwäch ryä chqä yixrajoʼ, tipoqonaj kiwäch ri nkʼaj chik, ütz inaʼoj tibʼanaʼ kikʼë, ma tinaʼ ta iwiʼ, ma chanin ta tmeqʼeʼ iwkʼë chqä titamaj yixyoʼen. 13 Ronojel mul tikochʼolaʼ iwiʼ chqä ma tikʼewaj ta tikuyulaʼ imak chiwäch. Tibʼanaʼ riʼ tapeʼ kʼo rma yixchʼojin chrij jun chik. Jehová ma xkʼewaj ta xixurküy rïx, rma riʼ ke riʼ chqä tibʼanaʼ rïx. 14 Ye kʼa ma xa xuʼ ta riʼ kʼo chë niʼän, xa tiweqaʼ chqä iwiʼ rkʼë ajowabʼäl, rma ya riʼ nbʼanö chë jnan nuʼän iwäch. 15 Chqä, yë ta ri uxlanen ri petenäq rkʼë Cristo xtjeʼ pan iwan, rïx xixskʼïx rma ri uxlanen riʼ rchë xa jun niʼän, achiʼel jun chʼakulaj. Chqä tikʼutuʼ chë yixtyoxin. 16 Tiyaʼ qʼij chë ri xuʼij ri Cristo nsamäj pan iwan chqä nuʼän chiwä chë njeʼ inaʼoj. Ronojel mul titolaʼ iwiʼ chqä tikʼuqbʼalaʼ ikʼuʼx kikʼë bʼix, kikʼë bʼix ri nkiyaʼ rqʼij Dios chqä kikʼë bʼix ri nksäx rchë nyaʼöx rqʼij ryä chqä rchë nqtyoxin che rä. Kan rkʼë ronojel iwan kixbʼixan che rä Jehová. 19 Rïx achiʼaʼ, ronojel mul keʼiwajoʼ iwixjilal chqä ma tkatäj ta iyowal chkij. 20 Rïx akʼalaʼ, ronojel mul tinmaj kitzij iteʼ itataʼ, rma ya riʼ kan nqä chwäch ri Ajaw. 21 Teʼej tataʼaj, ma tiyäk ta kiyowal iwalkʼwal, rchë ke riʼ ryeʼ ma xkebʼison ta. 23 Xa bʼa achkë jun ri niʼän, kan rkʼë ronojel iwan tibʼanaʼ wä, kan achiʼel ta rma Jehová niʼän wä y ma kimä ta winäq, 24 rma itaman chë yë Jehová xtyaʼö ri tzjun chiwä, ri jun mamaʼ spanïk. Kixok rsamajelaʼ Cristo, ri Qajaw.