Isaías

35 Ri tzʼiran ilew chqä ri jyuʼ ri chaqiʼj rbʼanon rwäch achiʼel ta kan xtkinaʼ kiʼkʼuxlal, y ri liʼon ilew ri chaqiʼj rbʼanon rwäch achiʼel ta kan kiʼ rkʼuʼx xtuʼän y xtsijan rwäch kan achiʼel ri azafrán. 5 Chpan ri qʼij riʼ, ri rnaqʼ kiwäch ri moyiʼ xkejaqatäj, y ri kixkïn ri ye tokän xkejaqatäj. 6 Chpan ri qʼij riʼ, ri nkoj·ïn xttzopïn kan achiʼel jun mazat, y ri mem kan xträq rchiʼ rma kiʼ rkʼuʼx. Rma kan xttzʼuk pä yaʼ pa tzʼiran ilew chqä raqän taq yaʼ chwäch ri liʼon ilew. 7 Ri ilew ri chaqiʼj rbʼanon rma ri Qʼij, kan xtrmeʼ yaʼ chwäch chqä xtnuj chë aj, y ri chaqiʼj ilew kan xkeʼok raqän taq yaʼ. Ri jyuʼ ri akuchï yewär wä ri tzʼeʼ rchë pa qʼayis xtkʼïy pä qʼayis, aj chqä papiros chwäch. 8 Y jun bʼey ri kan mamaʼ rwäch xtjeʼ chriʼ, y ri bʼey riʼ xtbʼix Bʼey rchë ri Loqʼoläj che rä. Ri tzʼil rkʼaslemal ma xtqʼax ta chwäch. Yaʼon qa che rä ri bʼenäq chwäch ri bʼey, y ri majun rnaʼoj ma xtbʼiyïn ta apü chwäch. 9 Majun ta jun köj xtjeʼ chriʼ, [...]