Mateo

18 «Tikʼoxaj na peʼ, komä najin nqjoteʼ äl Jerusalén, y chriʼ ri Rkʼajol ri Achï xtjach pa kiqʼaʼ ri sacerdotes ri kʼo más kiqʼij chqä pa kiqʼaʼ ri escribas. Ryeʼ xtkiʼij chë xtkamsäx 19 y xtkijäch pa kiqʼaʼ ri winäq ri ma ye judíos ta, xketzeʼen chrij, xtkichʼäy rkʼë koloʼ chqä xtkikamsaj chwäch jun cheʼ; y pa rox qʼij xtkʼasöx pä chkikojöl ri kamnaqiʼ». 25 Ye kʼa Jesús xermöl jontir y xuʼij chkë: «Rïx itaman chë ri qʼatöy taq tzij nqä chkiwäch yekitäq ri winäq y chë ri achiʼaʼ ri nmaʼq kiqʼij kʼo uchqʼaʼ pa kiqʼaʼ pa kiwiʼ ri winäq. 26 Chikojöl rïx kʼo ta chë ma ta nbʼanatäj ya riʼ. Pa rkʼexel riʼ, ri nrajoʼ ntok nüm chikojöl rïx kʼo chë nsamäj pa kiwiʼ ri nkʼaj chik 27 y ri nrajoʼ njeʼ más rqʼij chikojöl rïx kʼo chë ntok kisamajel ri nkʼaj chik. 28 Achiʼel ri Rkʼajol ri achï ma xpë ta rchë chë ri winäq xesamäj pa rwiʼ ryä, xa xpë rchë yë ryä xbʼesamäj pa kiwiʼ ri nkʼaj chik chqä rchë xbʼeryaʼ rkʼaslemal pa kamïk pa kikʼexel ye kʼïy winäq». 34 Y rma Jesús kan kowan xpoqonaj kiwäch, xchäp rnaqʼ kiwäch. Taq ryä xuʼän riʼ, ryeʼ xetzuʼun y xkitzeqelbʼej äl.