Marcos

9 Chkipan qa ri qʼij riʼ, Jesús xel pä pa Nazaret ri kʼo Galilea y xqasäx pa yaʼ rma Juan chpan ri raqän yaʼ Jordán. 10 Y kan xa xuʼ xel pä pa yaʼ, xtzʼët chë ri kaj xjaqatäj chqä chë ri espíritu xqä pä pa rwiʼ achiʼel jun paloma. 11 Y xkʼaxatäj jun chʼaʼäl chlaʼ chkaj ri xuʼij: «Rït yït Nkʼajol ri kowan nwajoʼ. Rïn kan kiʼ nkʼuʼx awkʼë». 12 Chrij riʼ, ri loqʼoläj rchqʼaʼ Dios xuʼän chë xbʼä pa desierto. 13 Y xjeʼ 40 qʼij chpan ri desierto, ri akuchï ye kʼo wä jalajöj kiwäch chköp. Chriʼ, Satanás xkanuj rbʼanik rchë chë Jesús xmakun. Ye kʼa ri ángeles nkiyaʼ wä ri achkë nkʼatzin che rä. 14 Ye kʼa, taq Juan ya kʼo chik pacheʼ, Jesús xbʼä Galilea rchë xbʼetzjoj ri utziläj taq rtzjol chrij Dios. 15 Ryä nuʼij wä reʼ: «Ya xbʼeqä ri tiempo ri chaʼon chik rma Dios, y Rqʼatbʼäl Tzij Dios ya naqaj chik kʼo wä. Titzolij iwiʼ chqä tikʼuqbʼaʼ ikʼuʼx chkij ri ütz taq rtzjol». 17 Jesús xuʼij chkë: «Kinitzeqelbʼej y rïn xtinbʼän chë ma xkeʼichäp ta chik kär, xa kan xkeʼitoʼ ri winäq rchë yeʼok ntzeqelbʼëy». 19 Taq xebʼiyïn yän apü jbʼaʼ, xtzʼët Santiago chqä Juan, ri ye rkʼajol Zebedeo, ri najin wä nkiʼän rbʼanik kiyaʼl chpan kibarco, 20 y xerskʼij apü. Rma riʼ, ryeʼ xkiyaʼ qa Zebedeo, ri kitataʼ, chpan ri barco kikʼë rmos chqä xeʼok rtzeqelbʼëy. 35 Chkaʼn qʼij, taq majanä tsaqarsan qʼanäj, ryä xkatäj y xbʼä äl akuchï ma ye jun ta winäq rchë xchʼö rkʼë Dios. 38 [...] kan rma riʼ xipë chwäch le Rwachʼlew».