Salmos

3 [...] Tapeʼ ke riʼ, rïn kan xtinkʼuqbʼaʼ na nkʼuʼx chawij. 4 Kʼo jun nkʼutun che rä Jehová —y ya riʼ ri xtinkanuj—: ri xkikowin xkinejeʼ pa rachoch Jehová ronojel qʼij che rä nkʼaslemal. Ke riʼ xtintzʼët chë Jehová kan jaʼäl rnaʼoj chqä xtinloqʼoqʼej ri rtemplo. 9 Ma tayaʼ ta qa awij chi nwäch. Taq kʼo ayowal, ma tamestaj ta qa ri asamajel. Rït riʼ ri yatoʼö wchë; ma kinamalij ta qa, ma kinayaʼ ta qa, nDios ri nkolö wchë. 10 Tapeʼ ri nteʼ ntataʼ yinkiyaʼ qa, Jehová kan xkirchajij. 12 Ma kinayaʼ ta äl pa kiqʼaʼ ri itzel nkinaʼ chwä, rma ye kʼo winäq ri ma kantzij ta yetzjon xekatäj pä chwij chqä nkiʼij chwä chë xtkiyaʼ kʼayewal pa nwiʼ. 13 ¿Akuchï ta komä yïn kʼo wä xa ta ma xinkʼuqbʼaʼ nkʼuʼx chë xtintzʼët na chpan nkʼaslemal chë Jehová kan ütz rnaʼoj? 14 Takʼuqbʼaʼ akʼuʼx chrij Jehová; ma taxiʼij ta awiʼ chqä kuw kapaʼeʼ. Kan takʼuqbʼaʼ akʼuʼx chrij Jehová.