1 Corintios

6 Ye kʼa, ya reʼ nukʼüt chqawäch chë ma ütz ta nqarayij ri ma ütz ta, achiʼel xkiʼän ryeʼ. 7 Chqä, ma tqayaʼ ta kiqʼij tyox, achiʼel xkiʼän jojun chkë ryeʼ, rma tzʼibʼatäl qa ya reʼ chkij: «Xetzʼyeʼ rchë xewaʼ chqä xkitäj yaʼ, y chrij riʼ xekatäj rchë xkiʼän ri xkajoʼ xa xuʼ rchë kiʼ kikʼuʼx xkiʼän». 11 Rma riʼ, ronojel ri xbʼanatäj kikʼë ri winäq riʼ xkiyaʼ qa jun tzʼetbʼäl chqawäch y xetzʼibʼäx qa rchë nkiyaʼ rbʼixik chqë röj ri yoj kʼo chik chkipan ri rkʼisbʼäl taq qʼij. 12 Rma riʼ, ri winäq ri nuquʼ chë kuw paʼäl, tchajij riʼ rchë ma xttzaq ta. 13 Majun ta jun chkë ri kʼayewal iwlon rïx ri ma ta nkiqʼaxaj jontir winäq. Ye kʼa Dios ma xkixuryaʼ ta qa chqä ma xtyaʼ ta qʼij chë jun kʼayewal xtjeʼ más rchqʼaʼ chwäch ri yixkowin niköchʼ rïx. Pa rkʼexel riʼ, taq xtiwïl jun kʼayewal, ryä chqä kan xtkʼüt apü chiwäch achkë rbʼanik xtiköchʼ ri kʼayewal riʼ. 14 Rma riʼ, wachʼalal, ma tiyaʼ ta kiqʼij tyox. 21 Ma ütz ta niʼän reʼ: yixqumun chpan rcopa Jehová y kʼa riʼ yixqumun chpan kicopa ri itzel taq espíritus; yixwaʼ pa rwiʼ «rmesa Jehová» y kʼa riʼ yixwaʼ pa rwiʼ kimesa ri itzel taq espíritus. 22 ¿O ‹najin nqaʼän chë Jehová npë ryowal chqë rma nqakanuj rkʼexel›? Röj ma más ta qachqʼaʼ chwäch ryä, ¿tapeʼ? 23 Jontir ütz naʼän, ye kʼa ma jontir ta nukʼäm pä utzil pan awiʼ. Jontir ütz naʼän, ye kʼa ma jontir ta nukʼuqbʼaʼ akʼuʼx. 24 Ma xa xuʼ ta rït taquʼ qa awiʼ, xa taquʼ kij ri nkʼaj chik chqä. 25 Ma ttiʼon ta iwan nitäj jontir ri nkʼayïx pa carnicería chqä ma nkʼatzin ta nikʼutuj akuchï petenäq wä ri tiʼäj yekʼayïx chriʼ, 26 rma «rchë Jehová le Rwachʼlew chqä jontir ri kʼo chwäch». 31 Rma riʼ, we rïx najin yixwaʼ, najin nitäj iyaʼ o najin niʼän xa bʼa achkë chik na jun, tibʼanaʼ chë nyaʼöx rqʼij Dios rkʼë jontir riʼ. 32 Tichajij iwiʼ rchë ma yeʼitzäq ta ri judíos, ri griegos chqä ri qachʼalal rkʼë ri yeʼiʼän.