1 Corintios

3 Rma riʼ qachʼalal, rïn ma xikowin ta xitzjon iwkʼë achiʼel nbʼän kikʼë winäq ri kan jnan yechʼobʼon rkʼë Dios, xa xitzjon iwkʼë achiʼel ta yitzjon kikʼë winäq ri ma yechʼobʼon ta achiʼel Dios; achiʼel ta kikʼë akʼalaʼ ri ye kʼo pa rchʼaʼäl Dios. 3 rma kʼa iyaʼon na qʼij chë xa yë ri rraybʼal ichʼakul ukʼwayon ikʼaslemal. Rma kʼa itzel na ninaʼ chkë ri nkʼaj chik rma ri kilon chqä kʼa kʼo na chʼaʼoj chikojöl, ¿ma nukʼüt ta riʼ chë xa yë rraybʼal ichʼakul najin niʼän chqä chë xa jnan inaʼoj kikʼë ri winäq ri ma nkiyaʼ ta rqʼij Dios? 6 Rïn xitkö ri ijaʼtz, Apolos xyiʼan rchë, ye kʼa yë Dios xbʼanö chë xkʼïy qʼanäj. 7 Rma riʼ, kan yë Dios kʼo más rqʼij chwäch ri ntkö o ri nyiʼan rchë ri ijaʼtz, rma kan yë ryä ri nbʼanö chë nkʼïy qʼanäj. 8 Ye kʼa, ri ntkö ri ijaʼtz chqä ri nyiʼan rchë kan nkajoʼ chë nkʼïy ri ijaʼtz, ye kʼa ri winäq riʼ chkijujnal xtkïl rajäl rkʼexel rma ri samaj xtkiʼän. 9 Rma röj xa xuʼ nqtoʼon rkʼë Dios. Rïx yïx ri ilew ri nusmajij Dios, ri jay rbʼanon Dios. 19 Rma ri naʼoj ri kʼo chwäch le Rwachʼlew xa majun ta kiqʼij chwäch Dios, rma tzʼibʼatäl qa: «Ryä majun ta jun ri kan kʼo rtamabʼal nqʼolö rchë». 20 Chqä tzʼibʼatäl qa reʼ: «Jehová rtaman chë ri kichʼobʼonik ri ajnaʼoj taq winäq majun nkʼatzin wä».