Apocalipsis

2 Tatzʼibʼaj ya reʼ che rä ri ángel rchë ri congregación ri kʼo Éfeso: Ya reʼ nuʼij ri rkʼwan ri 7 chʼumil pa rqʼaʼ derecha chqä nbʼiyïn chkikojöl ri 7 kantil ri yebʼanon rkʼë oro: 2 ‹Ntaman jontir ri abʼanon pä, ri rbʼanik yït samajnäq pä chqä chë ma okʼnäq ta akʼuʼx. Chqä ntaman chë ma natoʼ ta kiwiʼ itzel taq winäq y chë kan xatzʼët na chë ri winäq ri yebʼin chë ye apóstoles, ma ye apóstoles ta, xa tzʼukün taq tzij ri najin wä nkiʼij. 3 Rït chqä najin yakochʼon, y abʼanon pä riʼ xa rma nbʼiʼ rïn, y ma okʼnäq ta akʼuʼx. 4 Ye kʼa kʼo jun ma ütz ta ntzʼeton chawij: chë ma yinawajoʼ ta chik achiʼel xinawajoʼ pa naʼäy. 10 Ma taxiʼij ta awiʼ chkiwäch ri kʼayewal xkeʼaqʼaxaj. Ri Itzel Winäq xkeryaʼ jojun chiwä rïx pacheʼ rchë xttzʼetetäj we kantzij ikʼuqbʼan ikʼuʼx chrij Dios, chqä 10 qʼij xkeyaʼöx kʼayewal pan iwiʼ. Ma taqʼäj ta rtzij Dios tapeʼ xtawïl kamïk, rchë ke riʼ rïn xtinyaʼ acorona rchë ri kʼaslemal. 19 ‹Ntaman ri abʼanon pä, ri abʼanon chuyaʼik rqʼij Dios, ri kʼayewal akochʼon, chë yajowan y chë kʼo akʼuqbʼäl kʼuʼx. Y ntaman chë más kʼïy najin naʼän komä chwäch rbʼanon qa. 25 Ye kʼa, ma tiyaʼ ta qa rbʼanik ri najin niʼän kʼa ajän xkipë rïn. 26 Ri xtchʼakon chqä ma xtyaʼ ta qa ri nbʼey kʼa taq xtbʼekʼis jontir, rïn xtinyaʼ uchqʼaʼ pa rqʼaʼ pa kiwiʼ ri tinamït, 27 achiʼel rïn ri xyaʼöx uchqʼaʼ pa nqʼaʼ rma ri Ntataʼ; y ryä xkeryuqʼuj ri winäq rkʼë jun vara ri bʼanon rkʼë chʼichʼ, y ri winäq riʼ xtchup kiwäch kan achiʼel nmuchmuʼ jun bʼojoʼy taq npax.