Proverbios

17 Más ütz chë ri winäq kiʼ kikʼuʼx pa kachoch tapeʼ xa jwechʼ kaxlanwäy kʼo kikʼë chwäch ri kan kʼo kʼïy kiway ye kʼa xa xuʼ chʼaʼoj nkiʼän. 3 Ri läq ri bʼanon rkʼë ilew nkʼatzin rchë nyiʼär ri plata, y ri horno rchë nyiʼär ri oro, ye kʼa yë Jehová ntzʼetö achkë kʼo pa kan jontir winäq. 9 Ri winäq ri nkyun, nukʼüt ajowabʼäl; ye kʼa ri winäq ri chaq taqïl nutzjoj ri xbʼan che rä, xa yerjäch utziläj taq achiʼil. 14 Taq nchap qʼanäj jun chʼaʼoj, achiʼel ta jun winäq nujäq pä rbʼey yaʼ; rma riʼ, taq majanä tyakatäj pä ri chʼaʼoj, jät äl. 17 Ri kantzij achiʼil, najowan ronojel mul; y kan ntok jun awachʼalal taq kʼo kʼayewal yepë. 22 Taq jun winäq kiʼ rkʼuʼx, ri nunaʼ nbʼeʼok achiʼel ta jun ütz aqʼon; ye kʼa taq nbʼison, xa nkʼis rchqʼaʼ. 27 Ri achï kʼo rtamabʼal nqʼat riʼ rkʼë rtzij chqä ri achï nqʼax chwäch jontir ri nbʼanatäj kan nqʼat riʼ rkʼë ri yeruʼän.