Salmos

62 Rïn kan nyoʼen rtoʼik Dios tapeʼ ma yiqʼajan ta. Yë ryä nkolö wchë. 2 Yë ryä wabʼäj y nkolotajik, ri akuchï majun yinaqö ta; majun ta jun ri kan ta xtkowin xkirsloj. 5 Tapeʼ ma yiqʼajan ta, rïn nyoʼen ntoʼik rkʼë Dios, rma kan nyaʼon chwäch wan chë yë ryä yikolö. 6 Yë ryä wabʼäj chqä ri nkolö wchë, rkʼë ryä ntoʼ wä wiʼ; majun ta jun xtslon wchë. 7 Yë Dios yikolö chqä ri nnmirsan nqʼij. Yë Dios wabʼäj chqä ri akuchï ntoʼ wä wiʼ. 8 Qawinaq, ronojel mul tikʼuqbʼaʼ ikʼuʼx chrij ryä. Tiʼij che rä jontir ri kʼo pan iwan. Röj kan rkʼë Dios nqatoʼ wä qiʼ. 11 Dios xtzjon yän jmul; kamul nkʼoxan ya reʼ: chë ri uchqʼaʼ rchë Dios.