Deuteronomio

11 Re pixaʼ reʼ ri najin nqʼät chawij komä ma kan ta kʼayewal yeʼasmajij nixta näj ye kʼo wä. 19 Re qʼij reʼ, jontir ri ye kʼo chkaj chqä chwäch Rwachʼlew najin nkitzʼët chë rïn nyaʼon kaʼiʼ bʼey chiwäch, jun bʼey ri yixurkʼwaj chpan ri kʼaslemal y le jun chik yixurkʼwaj pa kamïk. Ri xtichaʼ xtiʼän xtuʼän chë kʼo utzil xtiwïl o xa xtqä itzel chiwij. Y rchë rïx chqä ri iwalkʼwal xkixkʼaseʼ, kʼo chë nichaʼ ri bʼey ri yixurkʼwaj chpan ri kʼaslemal, 20 y niʼän riʼ taq niwajoʼ Jehová iDios, nikʼoxaj rchʼaʼäl chqä ma niyaʼ ta qa ryä, rma yë ryä nyaʼö ikʼaslemal y yë ryä xtbʼanö chë yalöj xkixjeʼ chwäch ri ilew ri xtzüj Jehová che rä Abrahán, Isaac chqä Jacob, ri kimamaʼ iwatiʼt imamaʼ.