Efesios

6 Rïx akʼalaʼ, tinmaj kitzij ri iteʼ itataʼ achiʼel nuʼij ri Ajaw, rma ya riʼ kan ütz. 2 «Tayaʼ kiqʼij ateʼ atataʼ». Ya reʼ ri naʼäy pixaʼ ri rkʼamon pä re utzil reʼ: 3 «Rchë ütz xkabʼä pan akʼaslemal chqä yalöj xkajeʼ chwäch le Rwachʼlew». 4 Rïx tataʼaj, ma tiyäk ta kiyowal ri iwalkʼwal, xa kan keʼitjoj rkʼë ri pixabʼanïk chqä ri naʼoj yeryaʼ Jehová. 10 Pa rkʼisbʼäl, ma tiyaʼ ta qa rukowirsaxik ri iwchqʼaʼ rkʼë ri Ajaw chqä rkʼë ri nimaläj rchqʼaʼ. 11 Tiksaj jontir samajbʼäl rchë chʼaʼoj ri petenäq rkʼë Dios, rchë ke riʼ kuw yixpaʼeʼ chwäch ri yerksaj Satanás chiwij; 12 rma ma najin ta nqaʼän chʼaʼoj rkʼë jun ri kʼo rchʼakul chqä rkikʼel, xa kikʼë qʼatbʼäl taq tzij, kikʼë ri kʼo uchqʼaʼ pa kiqʼaʼ, kikʼë ri qʼatöy taq tzij ri xa pa qʼequʼn ye kʼo wä, kikʼë itzel taq espíritus ri ye kʼo chkaj. 13 Rma riʼ, tiksaj ri tzyäq chqä ri samajbʼäl rchë chʼaʼoj ri petenäq rkʼë Dios, rchë ke riʼ ma xkixtzaq ta taq xtapon ri itzel qʼij, y taq xtiʼän yän jontir ri nkʼatzin, kuw xkixpaʼeʼ. 14 Ye kʼa, xkixkowin xtipabʼaʼ iwiʼ we xtismajij ri kantzij kan achiʼel ta niksaj ri ximbʼäl pamaj, we pa rbʼeyal xtiʼän che rä ronojel kan achiʼel ta niksaj ri tzyäq ri bʼanon rkʼë chʼichʼ 15 chqä we xtitzjoj ri utziläj taq rtzjol kan achiʼel ta niksaj ixajabʼ. 16 Ye kʼa nkʼatzin chqä njeʼ ikʼuqbʼäl kʼuʼx kan achiʼel ta nichäp jun mamaʼ escudo. Reʼ xkixurtoʼ chwäch ronojel ri itzelal, ri ye achiʼel ta flechas ri kʼo qʼaqʼ chkitzaʼn ri nukʼäq pä ri Itzel Winäq chiwij. 17 Chqä tiyoʼej apü ri kolotajïk rtzjun Dios kan achiʼel ta niksaj jun casco, y tikʼwaj ri espada, ntel chë tzij, rchʼaʼäl Dios. 18 Chqä ronojel mul kixchʼö rkʼë Dios rkʼë rtoʼik ri loqʼoläj rchqʼaʼ. [...] 19 Chqä kixchʼö rkʼë Dios pa nwiʼ rïn chë xkeyaʼöx pä ri tzij pa nchiʼ taq xkichʼö, rchë ke riʼ xkikowin xkitzjon y ma xtinxiʼij ta wiʼ xtinqʼalajsaj ri loqʼoläj taq tzij ri ma tamatäl ta chkij ri utziläj taq rtzjol,