1 Tesalonicenses

4 Chqä qachʼalal, röj qakʼutun chik chiwäch achkë rbʼanik kʼaslemal nkʼatzin nikʼwaj rchë Dios kiʼ rkʼuʼx nuʼän iwkʼë, y kan ya riʼ najin niʼän. Ye kʼa komä, pa rbʼiʼ ri Qajaw Jesús, nqatäj qaqʼij chiwä chë más titjaʼ iqʼij chukʼwaxik ri kʼaslemal riʼ. 3 Ya reʼ ri nrajoʼ Dios: chë tikʼwaj jun chʼajchʼöj kʼaslemal chqä ma tiʼän ta tzʼil taq bʼanobʼäl. 4 Chijujnal rïx kʼo chë rtaman nuqʼät riʼ rchë ma nutzʼilbʼisaj ta rchʼakul, 5 y ma rkʼë ta jun raynïk ri ma nkowin ta nuqʼät riʼ rchë njeʼ rkʼë jun winäq achiʼel wä nkiʼän ri ma kitaman ta rwäch Dios. 9 Chqä, ma nkʼatzin ta nqaʼij chiwä achkë rbʼanik niwajowalaʼ iwiʼ kan achiʼel nkajoʼ kiʼ ri kaʼiʼ kichʼalal kiʼ, rma kan yë Dios najin nkʼutü chiwäch achkë rbʼanik niwajowalaʼ iwiʼ chiwäch. 10 Rïx ya najin chik niʼän riʼ kikʼë ri qachʼalal aj Macedonia. Ye kʼa, qachʼalal, nqajoʼ nqaʼij chiwä chë tiwajowalaʼ más iwiʼ. 11 Titjaʼ iqʼij rchë ma njeʼ ta chʼaʼoj chiwäch, rchë ma niyüj ta iwiʼ pa kikʼaslemal nkʼaj chik [...] 13 Chqä, qachʼalal, ma nqajoʼ ta chë ma ta nitamaj achkë xtbʼanatäj kikʼë ri ye kamnäq äl, rchë ma yixbʼison ta achiʼel nbʼanatäj kikʼë ri winäq ri majun ta kiyoʼen apü. 17 [...] rchë ke riʼ ronojel mul xtqjeʼ rkʼë ri Ajaw. 18 Rma kʼa riʼ, ronojel mul tikʼuqbʼalaʼ ikʼuʼx chiwäch kikʼë re tzij reʼ.