2 Corintios

7 Rma riʼ, wachʼalal, rma qlon chik ri rtzjun qa Dios, tqachʼajchʼobʼej qiʼ rkʼë jontir ri xa nutzʼilbʼisaj qachʼakul chqä qachʼobʼonik. Y rma nqaxiʼij qiʼ chwäch Dios, chaq taqïl tqatzʼetaʼ we yoj chʼajchʼöj chwäch ryä. 5 Ye kʼa taq xqapon Macedonia majun ta kʼuqbʼäl kʼuʼx xqïl, xa jalajöj kiwäch kʼayewal xeqaqʼaxaj: ri winäq xkiyaʼ kʼayewal pa qawiʼ chqä kʼo wä xbʼïn·ïl pa qan. 9 komä kan kiʼ nkʼuʼx, ye kʼa ma rma ta chë xinbʼän chë xixbʼison, xa kan rma ri bʼis riʼ xuʼän chë xitzolij iwiʼ. Xinaʼ ri bʼis ri nqä chwäch Dios, rma riʼ majun ta jun itzel xiwïl xa qmä röj. 11 ¡Tiquʼ rij ri xuʼän pan ikʼaslemal ri bʼis ri nqä chwäch Dios! Xuʼän chë Dios ütz chik jmul xixurtzʼët, chë itzel xinaʼ rma ri xiʼän, chë xixiʼij iwiʼ chwäch Dios, chë kan pa iwan naläx wä niʼän ri ütz, chë nitäj iqʼij, chë nichojmij ri ma ütz ta xiʼän. Rkʼë ronojel reʼ xiʼän chë majun ta chik jun mak ntzʼet chiwij.