2 Corintios

3 Tyaʼöx kʼa rqʼij rDios chqä Rtataʼ ri Qajaw Jesucristo, rma ryä ri Qatataʼ ri nupoqonaj qawäch chqä ri Dios ri nkʼuqbʼan qakʼuʼx. 4 Ryä nukʼuqbʼaʼ qakʼuʼx taq nqqʼax chwäch xa bʼa achkë kʼayewal. Y rkʼë ri kʼuqbʼäl kʼuʼx ri nuyaʼ Dios chqë, röj nqkowin nqakʼuqbʼaʼ kikʼuʼx ri nkʼaj chik chwäch xa bʼa achkë kʼayewal. 8 Qachʼalal, röj nqajoʼ chë rïx nitamaj achkë kʼayewal xeqïl taq xqjeʼ Asia. Röj xqïl jun nüm kʼayewal ri xqanaʼ chë ma xtqkowin ta xtqaköchʼ; xqanaʼ chë nxiʼin rij qakʼaslemal rma riʼ. 12 [...] Ri qaconciencia kan nuʼij chqë chë chkiwäch ri winäq, y más chiwäch rïx, ma kaʼiʼ ta qapaläj qabʼanon chqä qakʼwan jun chʼajchʼöj kʼaslemal kan achiʼel nqä chwäch Dios [...]. 20 Rma, xa bʼa jaruʼ rtzjun Dios, jontir riʼ xebʼanatäj rma ryä. Rma riʼ, röj chqä nqaʼij amén che rä Dios rma ryä, ke riʼ ryä nyaʼöx rqʼij qmä röj. 24 Tqʼax chiwäch chë ma yoj ta röj ri najin nqbʼin chiwä achkë rbʼanik kʼo chë nikʼuqbʼaʼ ikʼuʼx chrij Dios, xa kan najin nqtoʼon rchë chë rïx kiʼ ikʼuʼx niʼän, rma rïx kan kʼuqül chik ikʼuʼx pa rchʼaʼäl Dios rma ri ikʼuqbʼäl kʼuʼx.