Salmos

16 Nimaläj Dios, kinachajij, rma awkʼë rït nkanun wä ntoʼik. 2 Rïn nbʼin pä che rä Jehová: «Jehová, awkʼë rït ntel wä pä jontir ri ütz. 3 Ri loqʼoläj ri ye kʼo chwäch le Rwachʼlew, ri nimaläj kiqʼij, ryeʼ kan nkiyaʼ kiʼkʼuxlal pa wan». 4 Ri winäq ri nkikanuj nkʼaj chik dioses, xa más bʼis nkiskʼij chkij. Rïn majun bʼëy xtintïx ta kïkʼ achiʼel jun spanïk chkiwäch ri dioses riʼ y nixta nchiʼ ma xtuʼij ta kibʼiʼ. 5 Jehová ya riʼ ri nspanïk, ri peraj ri nyaʼöx chwä chqä ri nqumbʼäl. Rït yachajin ri nspanïk. 6 Kan utziläj taq jyuʼ xetäx qa chwä rïn. Rïn kan kiʼ nkʼuʼx rma ri nspanïk. 7 Xtinyaʼ rqʼij Jehová rma yirpixabʼan pä. Tapeʼ chaqʼaʼ, ri chʼobʼonïk ye kʼo pa wan kan nkiʼij chwä achkë ri ma ütz ta yenbʼanon. 8 Kan chi nwäch nyaʼon wä Jehová ronojel mul. Rma ryä kʼo pa nderecha, majun achkë xtbʼanö chë ma ta kuw xkipaʼeʼ. 9 Ri wan kan nunaʼ kiʼkʼuxlal, jontir ri nchʼakul kan kiʼ rkʼuʼx y majun nbʼanö chë nxiʼij wiʼ. 10 Rma rït ma xkinayaʼ ta qa pa Jül. [...] 11 Rït nakʼüt chi nwäch ri bʼey ri kʼo chë nkʼwaj. Kan kiʼ nkʼuʼx rma yït kʼo wkʼë; y ronojel mul kiʼ kikʼuʼx xtkiʼän ri ye kʼo pan aderecha.