Mateo

7 [...] xnabʼiyäj yän äl chiwäch rchë napon Galilea; chriʼ xtitzʼët wä›. [...] 10 Kʼa riʼ taq Jesús xuʼij chkë: «Ma tixiʼij ta iwiʼ. Jäx y tibʼeʼij chkë ri wachʼalal chë kebʼä Galilea; chriʼ xkinkitzʼët wä». 16 Ye kʼa ri 11 rtzeqelbʼëy Jesús xebʼä Galilea, pa rwiʼ ri jyuʼ ri akuchï xuʼij wä Jesús chkë chë xtkïl wä kiʼ rkʼë. 17 Taq xkitzʼët, xkiqasaj kiʼ pa ilew chwäch. Ye kʼa ye kʼo jojun ma kan ta xkinmaj ri xkitzʼët. 18 Jesús xjelun kikʼë y xuʼij reʼ chkë: «Jontir uchqʼaʼ ri kʼo chkaj chqä ri kʼo chwäch le Rwachʼlew xyaʼöx qa pa nqʼaʼ. 19 Rma riʼ, jäx kʼa chwäch ronojel le Rwachʼlew y keʼitjoj ri winäq rchë yeʼok ntzeqelbʼëy. Keʼiqasaj pa yaʼ pa rbʼiʼ ri Ntataʼ, pa nbʼiʼ rïn, ri Rkʼajol Dios, chqä pa rbʼiʼ ri loqʼoläj rchqʼaʼ Dios. 20 Tikʼutuʼ chkiwäch achkë rbʼanik nkismajij jontir ri nkʼutun qa rïn chiwäch. Y ma timestaj ta chë rïn xkijeʼ iwkʼë ronojel qʼij kʼa taq xtbʼekʼis ronojel».