2 Corintios

5 Ye kʼa ryä ma xyaʼ ta bʼis pa wan rïn, xa xyaʼ bʼis pan iwan jontir rïx. Tapeʼ ke riʼ, ma nwajoʼ ta kʼïy nbʼij chrij reʼ. 6 Jontir bʼaʼ chiwä rïx ya xiʼän yän jontir ri nkʼatzin nbʼan rkʼë ri achï riʼ rma ri xuʼän. 7 Komä kʼo chë ma nikʼewaj ta niküy rmak chqä nkʼatzin nikʼuqbʼaʼ rkʼuʼx rchë ri mamaʼ bʼis ri nunaʼ ma nuʼän ta chë nkanaj qa. 8 Rma riʼ, nwajoʼ nbʼij chiwä chë tikʼutuʼ chwäch chë niwajoʼ. 10 We rïx niküy rmak jun winäq, rïn chqä nküy rmak ri winäq riʼ. Kantzij na wä chë, jontir ri nkyun kimak (we kʼo jmul xkʼatzin xinküy rmak jun winäq), xinbʼän rchë chë rïx ütz yixtzʼet rma Cristo. 11 rchë chë Satanás ma xtchʼakon ta chqij, rma qataman achkë nuksaj rchë nqrqʼöl. 15 Rma chwäch Dios, röj ri nqatzjoj chrij Cristo, yoj achiʼel jun aqʼon ri kan jubʼül rxlaʼ. Re jubʼül rxlaʼ reʼ napon kikʼë ri winäq ri ye bʼenäq chpan ri bʼey akuchï xkekolotäj wä y napon chqä kikʼë ri winäq ri ye bʼenäq chpan ri bʼey ri xa pa kamïk nbʼä wä. 16 Chkiwäch ri ye bʼenäq pa kamïk, re rxlaʼ reʼ xa rxlaʼ kamïk rma pa kamïk xkerkʼwaj wä, ye kʼa chkiwäch ri xkekolotäj qa, kan jubʼül rxlaʼ kʼaslemal rma xtyaʼ kikʼaslemal. ¿Y achkë xtkowin xtbʼanö jontir reʼ?