Hechos

20 Tapeʼ ke riʼ, rïn ma xinkʼewaj ta xintzjoj chiwä ri ntaman chë xtkʼäm pä utzil pan iwiʼ chqä kan xinkʼüt rchʼaʼäl Dios chiwäch rïx chqä chkiwäch ri winäq chuchiʼ taq jay. 21 Pa rkʼexel riʼ, rïn kan xinbʼij chkë ri judíos chqä ri griegos jontir ri nkʼatzin nkitamaj rchë nkitzolij kiʼ chqä rchë ntzolin kikʼuʼx rkʼë Dios, y rchë nkikʼuqbʼaʼ kikʼuʼx chrij Qajaw Jesús. 28 Tichajij iwiʼ rïx chqä keʼichajij ri qachʼalal, ri ye achiʼel ta rkarneʼl Dios; rma ri loqʼoläj rchqʼaʼ Dios xixurchaʼ rchë xixok ukʼwäy taq bʼey rchë achiʼel ta niyuqʼuj rtinamit Dios, ri xlöqʼ ryä rkʼë rkikʼel ri Rkʼajol. 29 Rïn ntaman chë taq xkibʼä äl xkeʼok pä winäq chikojöl ri ye achiʼel lobos, y kan itzel kinaʼoj xtkiʼän iwkʼë. 30 y chikojöl rïx xkejeʼ achiʼaʼ ri xkekikʼüt tzʼukün taq naʼoj rchë chë ri qachʼalal xa yë chik ryeʼ xkekitzeqelbʼej. 35 Kan rkʼë ronojel ri nbʼanon pä nkʼutun chiwäch chë rïx chqä ke riʼ kʼo chë yixsamäj rchë yeʼitoʼ ri majun ta kichqʼaʼ chqä chë kʼo chë ma nimestaj ta re tzij reʼ ri xeruʼij qa ri Qajaw Jesús: ‹Más kiʼ akʼuʼx nanaʼ taq yaspan chwäch ri nakʼül jun spanïk›».