Lucas

12 Jun chkë ri qʼij riʼ, ryä xbʼä pa rwiʼ jun jyuʼ rchë xbʼechʼö rkʼë Dios y kan jun aqʼaʼ xuʼän riʼ. 22 Kan kiʼ ikʼuʼx tibʼanaʼ taq rma ri Rkʼajol ri Achï, ri winäq itzel xtkinaʼ chiwä, ma xtkikʼwaj ta kiʼ iwkʼë o xkixyoqʼ chqä xkixtzeläx kimä ryeʼ. 31 Chqä tibʼanaʼ kikʼë ri nkʼaj chik ri niwajoʼ chë nbʼan iwkʼë rïx. 36 Tipoqonaj kiwäch ri nkʼaj chik kan achiʼel ri Itataʼ kʼo chkaj nupoqonaj kiwäch ri winäq. 37 Chqä ma kixtzjon ta chik itzel chrij jun chik, ke riʼ majun bʼëy xketzjon ta itzel chiwij rïx. Ma titäq ta chik itzel chkij ri nkʼaj chik, ke riʼ majun bʼëy xttaq ta itzel chiwij rïx. Kixkyun rchë chë rïx chqä xtkuy imak. 38 Tkʼluj chiwä yixspan ke riʼ rïx chqä kʼo xtspäx chiwä. Kan xtnuj äl ri peraj rchë ri itzyaq rma kan kʼïy chqä kan pa rkʼiyal ri xtyaʼöx äl chiwä, rma jaruʼ xtiyaʼ chkë ri nkʼaj chik ke riʼ chqä xtyaʼöx chiwä rïx». 45 Jun winäq ri kan ütz rnaʼoj yë ri ütz yeruʼij rma kan yë ri ütz kʼo pa ran, ye kʼa jun winäq ri kan itzel rnaʼoj yë ri ma ütz ta yeruʼij rma yë ri ma ütz ta kʼo pa ran; rma ryä yeruʼij ri achkë kʼo pa ran.