Génesis

1 Pa naʼäy, Dios xuʼän le kaj chqä le Rwachʼlew. 12 Chwäch le Rwachʼlew xekʼïy pä jalajöj kiwäch qʼayis, jalajöj kiwäch tkoʼn ri nkiyaʼ ijaʼtz chqä jalajöj kiwäch cheʼ ri nkiyaʼ kiwäch chqä nkiyaʼ ijaʼtz. Y Dios xtzʼët chë ri xuʼän kan ütz. 21 Rma riʼ, Dios xeruʼän ri mamaʼ taq chköp ri ye kʼo pa mar chqä jontir rwäch kʼaslemal ri yeslon chqä kan pa molaj nkikʼwaj kiʼ pa yaʼ. Chqä xeruʼän jalajöj kiwäch chköp ri kʼo kixikʼ chqä yebʼä chkaj. Y Dios xtzʼët chë kan ütz ri xuʼän. 25 Dios xeruʼän ri jalajöj kiwäch chköp ri ye rchë pa qʼayis, ri jalajöj kiwäch chköp ri ma ye rchë ta pa qʼayis chqä ri jalajöj kiwäch chköp ri nkiqererej kiʼ. Y Dios xtzʼët chë kan ütz ri xuʼän. 26 Chrij riʼ, Dios xuʼij: «Kan achiʼel qabʼanik röj kan ke riʼ tqabʼanaʼ chkë ri winäq, chqä tqayaʼ qa pa kiqʼaʼ ri winäq jontir ri chköp ri ye kʼo pa mar, ri yexkʼan chkaj, ri ma ye rchë ta kʼechelaj chqä jontir le Rwachʼlew y jontir ri chköp ri yebʼiyaj chwäch». 27 Y Dios xuʼän ri achï, kan achiʼel rbʼanik ryä kan ke riʼ xuʼän che rä; xuʼän jun achï chqä jun ixöq. 28 Y Dios xyaʼ utzil pa kiwiʼ y xuʼij chkë: «Kejeʼ iwalkʼwal, kixkʼiyär, tinujsaj le Rwachʼlew, tismajij chqä tichajij. Kixjeʼ pa kiwiʼ ri chköp ri ye kʼo pa mar, ri yexikʼan y jontir ri yebʼiyaj chwäch le Rwachʼlew». 31 Chrij riʼ, Dios xtzʼët jontir ri xuʼän, y jontir kan jaʼäl xuʼän che rä. Y xqä qa qʼij chqä xsaqirsan qʼanäj. Ya riʼ xbʼanatäj chpan ri sexto qʼij.