Mateo

7 Ma kixtzjon ta itzel chkij ri nkʼaj chik, rchë ke riʼ ma xketzjon ta itzel chiwij rïx. 2 Rma ri rbʼanik xkixtzjon chkij ri nkʼaj chik ke riʼ chqä rbʼanik xketzjon chiwij rïx, y ri inaʼoj xtiʼän kikʼë ri nkʼaj chik kan ke riʼ chqä kinaʼoj xtkiʼän iwkʼë rïx. 3 ¿Achkë rma natzuʼ ri kʼïn kʼo pa rwäch awachʼalal ye kʼa ma natzuʼ ta ri ten (viga) kʼo pan awäch rït? 4 ¿Achkë rma naʼij che rä awachʼalal ‹tayaʼ qʼij chwä nwesaj ri kʼïn kʼo pan awäch› ye kʼa rït kʼo jun ten (viga) pan awäch? 5 ¡Rït xa kaʼiʼ apaläj! Naʼäy tawesaj ri ten (viga) kʼo pan awäch y chrij riʼ xtatzʼët achkë rbʼanik xtawesaj ri kʼïn kʼo pa rwäch awachʼalal. 7 Ma kixtaneʼ ta chukʼutxik ri niwajoʼ, y xtyaʼöx chiwä; ma kixtaneʼ ta chukanuxik ri nikanuj, y xtiwïl; ma kixtaneʼ ta rchë nikokaj rchiʼ jun jay, y xtjaq rchiʼ ri jay chiwäch. 8 Rma ri winäq ri nukʼutuj ri nrajoʼ, xtyaʼöx che rä; y ri winäq ri nkanun, xtrïl ri nukanuj; y ri winäq ri nkokan rchiʼ jun jay, xtjaq rchiʼ ri jay chwäch. 12 Rma riʼ, tibʼanaʼ kikʼë ri nkʼaj chik ronojel ri niwajoʼ chë nbʼan iwkʼë rïx. Kan ya reʼ rsamajxik Rpixaʼ Moisés chqä ri xkitzʼibʼaj qa ri profetas. 13 Kixok chpan ri puerta ri koʼöl rwäch. Rma kan nüm rwäch ri puerta chqä ri bʼey ri xa pa kamïk nbʼä wä, y kan ye kʼïy yeʼok chpan ri puerta riʼ. 14 Ye kʼa xa koʼöl rwäch ri puerta chqä ri bʼey ri yaturkʼwaj chpan ri kʼaslemal, y kan ye jbʼaʼ ok ri yeʼilö rchë. 15 Tichajij iwiʼ chkiwäch ri ma kantzij ta chë ye profetas, ri kan achiʼel ta karneʼl kinaʼoj nkiʼän ye kʼa xa kan itzel kinaʼoj achiʼel jun lobo. 16 Rïx xtitamaj kiwäch rma ri kinaʼoj xtkikʼüt. [...] 21 Ma jontir ta ri yebʼin ‹Wajaw, Wajaw› chwä xkeʼok chpan Rqʼatbʼäl Tzij Dios. Xa xuʼ xkeʼok ri xtkiʼän ri nrajoʼ ri Ntataʼ ri kʼo chlaʼ chkaj.