Mateo

5 komä ri moyiʼ yetzuʼun, ri ma yekowin ta yebʼiyïn, yekowin yebʼiyïn; ri kʼo lepra chkij yekʼachöj, ri ye tokän yekʼoxan, ri kamnaqiʼ yekʼastäj pä y ri majun ta kirajil ntzjöx ri ütz taq rtzjol chkë. 6 Kiʼ rkʼuʼx ri winäq ri ma ntzaq ta xa wmä rïn». 11 Kantzij nbʼij chiwä, chkikojöl ri winäq, majun ta jun taqon pä ri más nüm rqʼij chwäch Juan el Bautista; [...] 15 Ri kʼo rxkïn, kan tyaʼ rxkïn. 18 Rma riʼ, taq Juan xpë, ma xwaʼ ta nixta xqüm vino. Ye kʼa xkiʼij: ‹Xa endemoniado›. 19 Y taq xpë ri Rkʼajol ri Achï, xwaʼ chqä xqüm vino, y ri winäq xkiʼij: ‹¡Titzʼetaʼ le jun achï laʼ! Kan nqʼax rwiʼ nwaʼ chqä nuqüm vino, y xa yerachbʼilaj winäq ri nkimöl impuestos chqä winäq ri xa yemakun›. Ye kʼa, ri nkʼutü chë jun winäq kʼo rnaʼoj ya riʼ ri rbʼanobʼal. 23 Y rït Capernaúm, ¿xkatekʼwäx kʼa chkaj? Pa Jül xkabʼä wä. Rma, xa ta ri milagros ri xebʼan awkʼë xebʼan ta Sodoma, ri tinamït riʼ kʼa ta kʼo na komä. 24 Chöj nbʼij chawä chë ri qʼij taq xtqʼat tzij pa kiwiʼ ri winäq más lawaloʼ xtbʼan chawä rït chwäch ri xtbʼan che rä Sodoma». 27 Ryä chqä xuʼij: «Ri Ntataʼ ryaʼon qa jontir pa nqʼaʼ. Majun ta jun ri kan rtaman nwäch rïn, xa xuʼ ri Ntataʼ. Chqä majun ta jun ri kan rtaman rwäch ri Ntataʼ, xa xuʼ rïn y achoq chkë xtinwajoʼ rïn xtintzjoj wä. 28 Kixampä wkʼë jontir rïx ri niʼän kuw taq samaj chqä ri kʼo nmaʼq taq ejqaʼn chiwij, y rïn xkixintoʼ. 29 Kixjeʼ chuxeʼ wejqaʼn y titamaj chwij rïn, rma rïn ma qʼaqʼ ta njolon chqä ma nnaʼ ta wiʼ. Wkʼë rïn xkixuxlan. 30 Rma ri wejqaʼn rïn ma kʼayewal ta rkʼwaxik chqä ma al ta».