Mateo

13 Taq Jesús xkʼoxaj riʼ, xel äl chriʼ y xjoteʼ äl pa jun barco rchë nbʼejeʼ ryonïl akuchï majun ta winäq ye kʼo. Ye kʼa taq ri winäq ri ye kʼo chkipan ri tinamït xkinaʼej riʼ, xebʼä äl chkaqän rchë xkibʼekʼluʼ. 14 Taq xapon chuchiʼ yaʼ, xertzʼët ye kʼïy winäq, y rma kowan xjyowaj kiwäch, xerqʼomaj ri kʼo wä kiyabʼil. 16 Ye k’a Jesús xuʼij chkë: «Ma nkʼatzin ta chë ryeʼ yebʼä äl. Rïx kixyaʼö kiway». 19 Ya riʼ taq xuʼij chkë ri winäq chë ketzʼyeʼ qa chwäch rotaqʼaj. Chrij riʼ, xkʼän apü ri 5 kaxlanwäy chqä ri kaʼiʼ kär y taq xtzuʼun qʼanäj chkaj, xchʼö rkʼë Dios. Chrij riʼ, ryä xerwächʼ ri kaxlanwäy chqä xyaʼ chkë ri rtzeqelbʼëy rchë xkijäch chkë ri winäq. 20 Y kan jontir xewaʼ chqä xnuj kipan. Chrij riʼ, xkimöl ri rchiʼ rkïl wäy ri xtotäj qa y xnuj 12 chakach. 23 Taq ryä xertäq yän äl ri winäq, ryonïl xjoteʼ pa rwiʼ jyuʼ rchë xbʼechʼö rkʼë Dios. Taq xok aqʼaʼ, ryä kʼa kʼo na wä ryonïl chriʼ. 24 Ri hora riʼ, ri barco näj chik bʼenäq wä äl pa rwiʼ yaʼ chqä kʼayewal wä bʼenäq pa rwiʼ yaʼ rma ri kaqʼiqʼ xa chwäch petenäq wä. 28 Rma riʼ Pedro xuʼij che rä: «Ajaw, we yït rït ri yït kʼo chriʼ, taʼij chwä chë kibʼä pa rwiʼ yaʼ rchë yinapon awkʼë». 29 Ryä xuʼij che rä: «¡Katampä!». Ya riʼ taq Pedro xqä äl pa barco chqä xbʼiyïn äl pa rwiʼ yaʼ rchë xbʼä apü rkʼë Jesús. 30 Ye kʼa kan xxiʼij riʼ taq xtzʼët chë ri kaqʼiqʼ kowan rchqʼaʼ. Y, rma xa xbʼä äl chuxeʼ yaʼ, kan rkʼë kuw rchʼaʼäl xuʼij reʼ che rä Jesús: «¡Ajaw, kinatoʼ!». 31 Jesús kan chanin xchäp apü rqʼaʼ y xuʼij: «Rït, ri ma nüm ta akʼuqbʼäl kʼuʼx, ¿achkë rma xaxiʼij awiʼ?». 33 Rma riʼ ri ye kʼo pa barco xexkeʼ chwäch chqä xkiʼij ya reʼ che rä: «Kantzij na wä chë yït rït Rkʼajol Dios».