Mateo

12 Chrij riʼ, ri rtzeqelbʼëy xejelun apü rkʼë chqä xkiʼij che rä: «¿Ataman rït chë ri fariseos kan xpë kiyowal taq xkikʼoxaj ri xaʼij?». 13 Ryä xuʼij chkë: «Xa bʼa achkë tkoʼn ri ma tkon ta rma Ntataʼ ri kʼo chkaj, xtkʼuq äl. 14 Rma riʼ, kejeʼ chlaʼ. Le ukʼwäy taq bʼey laʼ xa ye moyiʼ. Y, si jun moy nukʼwaj rbʼey jun chik moy, che kaʼiʼ xa xketzaq chpan jun jül». 18 Ye kʼa, ri ntel pä pan achiʼ pan awan ntel wä pä, y ya riʼ ntzʼilbʼisan jun winäq. 19 Rma jun winäq kan pa ran ntel wä pä nuʼän ri ma ütz ta, achiʼel ya reʼ: nkamsan, nukanuj rkʼexel rkʼlaj, yeruʼän tzʼil taq bʼanobʼäl, nleqʼan, nuqʼabʼaj tzij chrij jun chik chqä nyoqʼon. 22 Chriʼ xapon jun ixöq aj Fenicia y kan rkʼë kuw rchʼaʼäl xuʼij reʼ: «¡Tat, ralkʼwal David, tajyowaj nwäch! Ri wal chapon rma jun itzel espíritu». 23 Ye kʼa ryä majun ta xuʼij che rä. Rma riʼ ri rtzeqelbʼëy xejelun apü rkʼë y kan xkitäj kiqʼij chrij kikʼë re tzij reʼ: «Taʼij che rä chë tbʼä äl, rma kowan nuräq pa rchiʼ chqij». 24 Y ryä xuʼij: «Rïn xitaq pä xa xuʼ rchë yenkanuj ri winäq aj Israel ri ye achiʼel ta karneʼl ri ye sachnäq». 25 Ye kʼa ri ixöq xjelun apü rkʼë, xxkeʼ qa chwäch chqä xuʼij reʼ che rä: «¡Tat, kinatoʼ!». 26 Ryä xuʼij che rä: «Ma ütz ta nesäx kiway ri akʼalaʼ y nyaʼöx chkë ri taq nikʼ tzʼeʼ». 27 Ye kʼa ri ixöq xuʼij: «Tat kantzij ri xaʼij, ye kʼa ri taq nikʼ tzʼeʼ nkitäj ri rkʼaj wäy ri yetzaq äl pa rwiʼ kimesa ri kajaw». 28 Rma riʼ Jesús xuʼij che rä: «¡Kan nüm ri akʼuqbʼäl kʼuʼx kʼo! Kan xtbʼanatäj ta kʼa ri nawajoʼ». Y chpan ri qʼij riʼ ri ral xkʼachöj.