1 Reyes

13 Rma rtzij Jehová, jun rsamajel Dios xel äl Judá rchë xapon kʼa Betel. Taq Jeroboán kʼo wä chwäch ri altar rchë nuʼän sacrificios pa rwiʼ, 2 ri achï riʼ, rma rtzij Jehová, rkʼë kuw rchʼaʼäl xuʼij che rä ri altar: «¡Oh, altar, altar! Ya reʼ ri nuʼij Jehová: ‹¡Tatzʼetaʼ! ¡Xtaläx jun akʼal pa rachoch David ri xtbʼiniʼaj Josías! Y pan awiʼ rït xkerkamsaj wä ri sacerdotes ri xa kiqʼij tyox nkiyaʼ pa kiwiʼ ri jyuʼ, ri yebʼanö sacrificios pan awiʼ, chqä xkerkʼät kibʼaqil winäq pan awiʼ rït›».