Marcos

3 Ye kʼa ryeʼ xkichäp ri achï riʼ, kowan xkichʼäy chqä majun ta xkiyaʼ äl che rä taq xkitzolij äl. 15 ¿Kʼo chë nqatöj o ma nqatöj ta che rä?». Ye kʼa ryä, rma xtzʼët chë ma tzij ta wä najin yetzjon, xuʼij chkë: «¿Achkë rma nikʼutuj ya reʼ chwä? Tikʼamaʼ pä jun denario rchë ntzʼët». 16 Rma riʼ xkikʼäm pä jun denario che rä y ryä xkʼutuj chkë: «¿Achoq rachbʼäl ya reʼ chqä ri bʼiʼaj tzʼibʼatäl chwäch?». Ryeʼ xkiʼij che rä: «Rchë César». 17 Jesús xuʼij chkë: «Titojoʼ kʼa che rä César ri rchë César, ye kʼa che rä Dios ri rchë Dios». Y ryeʼ ma xkïl ta chik achkë xkiʼij che rä. 27 Ryä ma kiDios ta ri kamnaqiʼ, ryä kiDios ri ye kʼäs. Rïx xa jun wä chik qʼaxnäq chiwäch». 29 Jesús xuʼij reʼ che rä: «Ya reʼ ri pixaʼ ri kʼo más rqʼij: ‹Tinamït Israel, tiyaʼ ixkïn chwä. Xa xuʼ jun Jehová kʼo, y ya riʼ Jehová ri qaDios. 30 Tawajoʼ Jehová ri aDios rkʼë ronojel awan, rkʼë ronojel akʼaslemal, rkʼë ronojel achʼobʼonik y rkʼë ronojel awchqʼaʼ›. 41 Y xtzʼyeʼ akuchï nkowin wä yertzʼët pä ri kax ri nyaʼöx wä päq chkipan, y xtzuʼ achkë rbʼanik nkiyaʼ wä kikchaj ri winäq; ri bʼeyomaʼ kan kʼïy wä päq nkiyaʼ qa. 42 Ya riʼ taq xapon jun malkaʼn ixöq ri majun ta rrajil y xyaʼ qa chpan ri kax kaʼiʼ taq päq ri ma nüm ta kajäl. 43 Ryä xerskʼij rtzeqelbʼëy y xuʼij reʼ chkë: «Kantzij nbʼij chiwä chë re malkaʼn ixöq reʼ, ri majun ta rrajil, kan más kʼïy xyaʼ qa chpan ri kax chkiwäch ri nkʼaj chik. 44 Rma jontir ryeʼ nkiyaʼ ri ma nkʼatzin ta chik chkë; ye kʼa re ixöq reʼ, tapeʼ kan majun ta rrajil, xyaʼ qa chpan ri kax jontir ri kʼo rkʼë».