Efesios

2 Chqä, Dios xyaʼ ikʼaslemal rïx, tapeʼ kan yïx kamnäq wä chik chpan imak 2 ri xeʼibʼanalaʼ taq xikʼän inaʼoj chkij ri winäq, taq xinmaj rtzij ri kʼo uchqʼaʼ pa rqʼaʼ pa rwiʼ ri kaqʼiqʼ, pa rwiʼ ri uchqʼaʼ ri komä najin nsmajin kichë ri kalkʼwal ri ma nkinmaj ta tzij. 5 xyaʼ qakʼaslemal taq xkʼasoj pä ri Cristo chkikojöl ri kamnaqiʼ, tapeʼ achiʼel ta yojkamnäq wä chik rma ri qamak (rïx xixkol tapeʼ ma taqäl ta chiwij). 8 Rma re utzil reʼ, rïx xixkolotäj rma ikʼuqbʼan ikʼuʼx chrij Dios. Ma rma ta chë rïx kan taqäl chiwij nikʼül, xa kan jun spanïk xyaʼ Dios chiwä. 12 Chkipan qa ri qʼij riʼ, rïx ma itaman ta wä rwäch Cristo, y ma yïx kʼo ta wä chpan ri tinamït Israel nixta chkipan ri jikibʼäl taq tzij ri yerbʼanon wä Dios. Rïx majun ta wä utzil iyoʼen chiwäch apü y ma itaman ta wä rwäch Dios. 21 Y jnan rkʼë ryä, ri jay, ri kan kichapon kiʼ jontir ri peraj ri kʼo che rä, najin njoteʼ más rchë nbʼeʼok jun loqʼoläj templo rchë Jehová.