1 Samuel

6 Taq ryeʼ xeʼapon, Samuel xtzʼët Eliab y xuʼij: «Kantzij na wä chë Jehová kan yë ryä xtchaʼ». 7 Ye kʼa Jehová xuʼij che rä Samuel: «Ma yë ta ri rbʼanik tatzuʼ nixta rma mamaʼ raqän, rma ma yë ta ryä xinchaʼ. Ri rbʼanik nutzʼët Dios ronojel, ma jnan ta rkʼë ri rbʼanik nkitzʼët ri winäq. Ri winäq nkitzʼët xa xuʼ ri kʼo chkiwäch, ye kʼa Jehová nutzʼët ri kʼo pa kan ri winäq». 10 Ke riʼ xuʼän Jesé kikʼë ri 7 rkʼajol. Ryä xerqʼaxaj chwäch Samuel, ye kʼa Samuel xuʼij ya reʼ che rä Jesé: «Majun ta jun chkë ryeʼ xchaʼ Jehová». 11 Pa rkʼisbʼäl, Samuel xkʼutuj che rä Jesé: «¿Xa xuʼ ya reʼ akʼajol ye kʼo?». Jesé xuʼij che rä: «Kʼa kʼo na jun nrajoʼ, y ya riʼ ri más koʼöl. Ryä najin yeryuqʼuj nkarneʼl». Samuel xuʼij kʼa ya reʼ che rä Jesé: «Tataqaʼ äl rskʼixik, rma ma xtqachäp ta waʼin we ryä ma xtpë ta». 12 Rma riʼ Jesé xtäq äl rkanuxik, y xkʼamöx pä ri kʼajol riʼ. Ryä kan chʼajchʼöj chqä jaʼäl ntzuʼun y kan ye jaʼäl taq rwäch. Chrij riʼ, Jehová xuʼij: «Kakatäj, ¡yë ryä nchaʼon rïn rchë ntok qʼatöy tzij!». 13 Rma riʼ, Samuel xkʼän apü ri ukʼaʼ ri kʼo aceite chpan chqä xqʼäj pa rwiʼ David rchë xchaʼ rchë ntok qʼatöy tzij. Y kan jontir rchʼalal David xetzʼetö riʼ. Kan chpan qa ri qʼij riʼ, ri rchqʼaʼ Jehová kan xsamäj pa rkʼaslemal David. Jbʼaʼ chrij riʼ, Samuel xbʼä äl Ramá. 14 Ye kʼa Jehová xresaj äl ri loqʼoläj rchqʼaʼ chrij Saúl [...].