Lucas

2 Ya riʼ taq xtzʼët apü jun malkaʼn ixöq ri kan majun ta rrajil ri xyaʼ qa chpan ri kax kaʼiʼ taq päq ri ma nüm ta kajäl, 9 Chqä, taq xtik’oxaj chë kʼo chʼaʼoj najin yebʼanatäj chqä chë ri winäq najin yekitz’la’ ri nk’aj chik, ma tixiʼij ta iwiʼ. Rma ronojel re’ kʼo chë xkebʼanatäj na, ye kʼa ma kan ta ya riʼ q’ij xtchup rwäch ronojel. 10 Chrij riʼ xuʼij chkë: «Xtjeʼ chʼaʼoj chkiwäch ri tinamït chqä chkiwäch ri qʼatbʼäl taq tzij. 11 Xkebʼanatäj mamaʼ taq slonel y xa bʼa akuchï xtjeʼ wayjal chqä yabʼil ri kan pa molaj winäq xkermäj. Y chlaʼ chkaj chqä chwäch le Rwachʼlew xketzʼetetäj jojun ri kan naxiʼij awiʼ natzʼët. 12 Ye kʼa taq majanä tbʼanatäj jontir reʼ, rïx xkixyut äl chqä xkeyaʼöx kʼayewal pan iwiʼ. Xkixjach pa taq sinagogas chqä xkixyaʼöx pacheʼ. Y xkixkʼwäx chkiwäch ri qʼatöy taq tzij rma nbʼiʼ rïn. 13 Ya riʼ xtuʼän chë rïx xtitzjoj chwij rïn. 15 rma rïn xtinyaʼ tzij pan ichiʼ chqä xtinyaʼ inaʼoj ri xtuʼän chë ri nkipabʼaʼ kiʼ chiwäch, tapeʼ kan xtkimöl kiʼ chiwij, ma xkekowin ta xtkiʼij chë ma ke riʼ ta ri xiʼij o chë ma tzij ta. 19 We xtiköchʼ ronojel riʼ, rïx xkixkolotäj qa. 20 Ye kʼa taq rïx xtitzʼët chë Jerusalén kistin chik rij kimä soldados, titamaj chë ya xtchup rwäch. 21 Taq xtbʼanatäj riʼ, ri ye kʼo pa Judea, keʼanmäj äl pa taq jyuʼ; ri ye kʼo pa Jerusalén, keʼel äl chriʼ, y ri ye kʼo pa taq jyuʼ, ma keʼok ta chpan ri tinamït. 24 Y xkekamsäx rkʼë espada chqä xkeʼukʼwäx äl chkipan nkʼaj chik tinamït; y Jerusalén xtchup rwäch kimä winäq ri ma ye judíos ta kʼa taq xtbʼekʼis ri tiempo ri yaʼon chkë ri winäq riʼ. 26 Ri winäq kan xkemayamoʼ qa rma kowan xtkixiʼij kiʼ y rma kowan xtkiquʼ rij ri xtpë chrij le Rwachʼlew, rma kan xkeslöx ri ye kʼo chkaj. 27 Taq xtbʼanatäj riʼ, ryeʼ xtkitzʼët Rkʼajol ri Achï —ri kan kʼo uchqʼaʼ pa rqʼaʼ— ri xtpë pa rwiʼ ri sutzʼ. 28 Ye kʼa, taq xkebʼanatäj jontir reʼ, rïx chöj kixpaʼeʼ y tiyakaʼ ijolon, rma ri ikolotajïk xa naqaj chik kʼo pä». 29 Chrij riʼ, xtzjoj re kʼambʼäl tzij reʼ chkë: «Titzʼetaʼ ri rcheʼ higos chqä ri nkʼaj chik cheʼ. 30 Rïx nitzʼët taq yejotayin pä, y taq nbʼanatäj riʼ, itaman chë xa naqaj chik kʼo pä ri saqʼij. 31 Ke riʼ chqä rïx, taq xtitzʼët chë najin chik yebʼanatäj jontir reʼ, tqʼax chiwäch chë ri Rqʼatbʼäl Tzij Dios xa naqaj chik kʼo pä. 34 Ye kʼa tichajij iwiʼ rchë ma nqʼax ta rwiʼ ri yaʼ chqä ri wäy nitäj y rchë ma nbʼä ta iwan chrij ri nkʼatzin pan ikʼaslemal, rma ya riʼ xa xtuʼän chë kowan xtchʼpü ikʼuʼx, y chaq kʼateʼ xtbʼeqä ri qʼij riʼ pan iwiʼ 35 kan achiʼel jun trampa. Rma ri qʼij riʼ xtbʼeqä pa kiwiʼ jontir ri ye kʼo chwäch le Rwachʼlew. 36 Rma riʼ, kixkʼaseʼ apü chqä ronojel mul tikʼutuj chpan ichʼonik chë yixkolotäj qa chwäch jontir ri kʼo chë yebʼanatäj y rchë ütz xkixtzʼetetäj rma ri Rkʼajol ri Achï».