Isaías

3 Xkeʼachajij ri kan rkʼë ronojel kan nkitoʼ kiʼ awkʼë; rït ronojel mul xtaʼän chë ma xtchʼpü ta chik kikʼuʼx, rma ryeʼ chawij rït kikʼuqbʼan wä kikʼuʼx. 4 Tikʼuqbʼaʼ ikʼuʼx chrij Jehová y majun bʼëy tiyaʼ ta qa rbʼanik riʼ, rma Jah Jehová ya riʼ ri Abʼäj ri ronojel mul xtjeʼ. 9 Taq ntok qa aq’a’ nnaʼ chë kan rkʼë ronojel wan yakʼatzin chwä, rma riʼ kan yatinkanuj; rma taq rït naqʼät tzij pa kiwiʼ ri winäq, ryeʼ nkitamaj achkë rbʼanik kan pa rbʼeyal nkiʼän che rä jontir. 12 Nimaläj Jehová, rït xkabʼanö chë ma xtchʼpü ta qakʼuʼx, rma jontir ri qabʼanon röj rït yït bʼanayon qmä röj. 19 «Ri awinaq ri ye kamnäq äl xkekʼastäj pä. Ri nwinaq ri ye kamnäq äl xkekatäj pä. ¡Kixkatäj y kan kiʼ ikʼuʼx kixqʼajan pä, rïx ri yïx poqlaj! Rma ri raxqʼabʼ nayaʼ pä kan achiʼel ri raxqʼabʼ ri nqä nmaqʼaʼ, y le Rwachʼlew xtyaʼ qʼij chë ri winäq ri majun ta yekowin nkiʼän rma xa ye kamnäq, xkekʼastäj pä chik jmul. 20 Rït ri yït ntinamit, katok chpan awachoch y tatzʼapij pä achiʼ. Chriʼ tawewaj wä jbʼaʼ awiʼ kʼa taq xtqʼax ri oyowal.