Colosenses

3 Ronojel mul nqatyoxij che rä Dios, ri Rtataʼ ri Qajaw Jesucristo, taq nqchʼö qʼanäj rkʼë ryä pan iwiʼ rïx, 4 rma qakʼoxan chë rïx ikʼuqbʼan ikʼuʼx chrij Cristo Jesús chqä chë kan yeʼiwajoʼ jontir qachʼalal ri ye loqʼoläj 5 rma iyoʼen ri utzil ri xtikʼül chlaʼ chkaj. Rïx ikʼoxan chik chrij re utzil reʼ taq xtzjöx rchʼaʼäl Dios chiwä, ri ütz taq rtzjol 6 ri xikʼoxaj. [...] 9 Rma riʼ, kan chpan qa ri qʼij riʼ taq xqakʼoxaj riʼ, ronojel mul yoj chʼonäq rkʼë Dios pan iwiʼ rïx chqä qakʼutun che rä chë tyaʼ pä ri tzʼaqät etamabʼäl chiwä chrij ri rraybʼal chqä chë tyaʼ inaʼoj rchë kan nqʼax ri Rchʼaʼäl pan ijolon, 10 rchë ke riʼ xtikʼwaj jun kʼaslemal ri nqä chwäch Jehová; ke riʼ ryä kan kiʼ rkʼuʼx xtuʼän taq niʼän utziläj taq bʼanobʼäl chqä taq nkʼiyär ri tzʼaqät etamabʼäl chrij Dios iwkʼë. 11 Chqä nqakʼutuj chë tyaʼ iwchqʼaʼ rïx rkʼë ri nimaläj rchqʼaʼ ryä, ke riʼ rïx xtjeʼ ri uchqʼaʼ ri xtkʼatzin chiwä rchë niköchʼ jontir ri kʼayewal, rchë ma nikʼo ta ikʼuʼx chubʼanik riʼ chqä rchë kan rkʼë kiʼkʼuxlal niʼän wä riʼ, 15 Ryä rachbʼäl ri Dios ri ma tzʼetël ta, yë ryä ri naʼäy xbʼan chwäch jontir ri kʼo; 16 rma rkʼë rtoʼik ryä xbʼan jontir ri ye kʼo chlaʼ chkaj chqä chwäch le Rwachʼlew, ri yetzʼetetäj chqä ri ma yetzʼetetäj ta, achiʼel ri tronos chqä ri qʼatbʼäl taq tzij. Jontir ri xbʼan, rkʼë rtoʼik ryä xbʼan wä y che rä ryä xbʼan wä. 23 Ye kʼa, ronojel mul xtbʼan ya riʼ iwkʼë we rïx ronojel mul xtikʼuqbʼaʼ ikʼuʼx chrij Dios, we majun bʼëy xtimestaj ta achkë xbʼanö chiwä chë xikʼuqbʼaʼ ikʼuʼx chrij, we ma xtiyaʼ ta qʼij chë kʼo jun xtslon iwchë chqä we ronojel mul xtikʼuqbʼaʼ ikʼuʼx chrij ri ütz taq rtzjol ri xikʼoxaj chqä ri xtzjöx yän chwäch jontir Rwachʼlew. Rïn, Pablo, xichaʼöx rchë xintzjoj ri ütz taq rtzjol riʼ. 29 Rma riʼ rïn kan kuw yisamäj, y ntäj nqʼij rchë nbʼän re samaj reʼ rkʼë rchqʼaʼ ryä, rma rchqʼaʼ ryä najin nuyaʼ wchqʼaʼ rïn.