Hechos
8 Chrij riʼ, ryä xok apü pa sinagoga y oxiʼ ikʼ kan rkʼë rchqʼaʼ xtzjoj chqä xeruʼij naʼoj ri xuʼän chë ri winäq xkinmaj chrij ri Rqʼatbʼäl Tzij Dios. 9 Ye kʼa ye kʼo jojun ma xkiyaʼ ta kixkïn chqä ma xkajoʼ ta xkinmaj, chqä kan itzel wä yetzjon chrij ri Bʼey chkiwäch ri winäq. Rma riʼ, ryä xeryaʼ qa chqä xuʼij chkë ri rtzeqelbʼëy Jesús chë ma kejeʼ ta chik kikʼë. Y ronojel qʼij xtzjoj rchʼaʼäl Dios chpan ri nimajay ri kʼo chpan rtijobʼäl Tirano. 10 Kaʼiʼ jnaʼ ke riʼ xuʼän, rma riʼ jontir ri ye kʼo chkipan ri tinamït ri ye kʼo Asia, judíos chqä ri ma ye judíos ta, xkikʼoxaj rchʼaʼäl ri Ajaw. 19 Chqä, ye kʼïy chkë ri yebʼanö wä itzinïk, xekimöl ri kiwuj chqä xekikʼät chkiwäch jontir winäq. Y taq xechʼobʼon chrij kajäl ri wuj ri xekikʼät, xbʼerbʼanaʼ 50,000 piezas de plata. 20 Ke riʼ, ri Rchʼaʼäl Jehová kan chanin xbʼä pa nüm chqä majun chik xqʼatö rchë.