1 Pedro

4 Rma Cristo xtäj poqän taq xjeʼ chwäch Rwachʼlew, rïx chqä titjaʼ iqʼij rchë yixchʼobʼon achiʼel nchʼobʼon ryä; rma ri winäq ri rtjon poqän pa rkʼaslemal, ryaʼon qa rbʼanik ri mak 2 rchë ma nuʼän ta chik ri nqä chkiwäch ri winäq loman kʼa kʼäs na; ryä ryaʼon qa rbʼanik ya riʼ rchë nuʼän ri nqä chwäch Dios. 3 Komä kʼa, ma qʼij ta chik chë rïx niʼän achiʼel yekiʼän ri winäq ri ma nkiyaʼ ta rqʼij Dios. Rbʼanon qa, ma niqʼïl ta wä iwiʼ chkibʼanik ri tzʼil taq bʼanobʼäl, kan nqʼax wä rwiʼ ri iraynïk chkij ri tzʼil taq bʼanobʼäl, kan nqʼax wä rwiʼ ri yaʼ nitäj, kan nqʼax wä rwiʼ ri niʼän chkipan ri nimaqʼij, nimöl wä iwiʼ xa xuʼ rchë nitzʼët achkë ri más nkowin ntjä yaʼ chqä niyaʼ wä kiqʼij tyox. 4 Ryeʼ kan ma nkinmaj ta chë rïx ma jnan ta chik rbʼanik kʼaslemal ikʼwan achiʼel ryeʼ, ri kan itzel chqä xa más najin nchaʼ chiʼ; rma riʼ kan itzel yetzjon chiwij. 7 Ye kʼa ri qʼij taq xtchup rwäch ronojel ya xbʼeqä. Rma riʼ, tiquʼ na ri achkë niʼän chqä chaq taqïl kixchʼö rkʼë Dios. 8 Ye kʼa, kan kowan chqä tiwajowalaʼ iwiʼ chiwäch, rma ri winäq ri najowan nuküy xa bʼa achkë mak. 9 Ma tikʼewaj ta yeʼikül ri nkʼaj chik pan iwachoch. 10 Xa bʼa achkë spanïk yaʼon chiwä, tiksaj rchë nitolaʼ iwiʼ chiwäch; rma rïx yïx achiʼel utziläj taq rsamajelaʼ Dios ri yesmajin ri utzil ri ma taqäl ta chqij nqakʼül ri jalajöj rbʼanik nqʼalajin. 11 We kʼo jun ntzjon, tbʼanaʼ riʼ achiʼel nuʼän jun winäq ri yeryaʼ ri rtzjol ri ye petenäq rkʼë Dios, y, we kʼo jun nuʼän utzil chkë ri nkʼaj chik, tbʼanaʼ riʼ achiʼel nuʼän jun winäq ri kan nkʼatzin rchqʼaʼ Dios che rä, rchë ke riʼ, rma Jesucristo, yë Dios xtyaʼöx rqʼij rkʼë ronojel ri yebʼan. Yë ryä ri taqäl chrij nyaʼöx rqʼij chqä njeʼ uchqʼaʼ pa rqʼaʼ xtbʼä qʼij xtbʼä säq. Amén. 13 Pa rkʼexel riʼ, kiʼ ikʼuʼx tibʼanaʼ tapeʼ najin nitäj poqän achiʼel xtäj poqän Cristo, rchë ke riʼ chqä kan kiʼ ikʼuʼx xtiʼän taq ryä xtqʼät tzij pa qawiʼ. 14 Rïx kan kiʼ ikʼuʼx taq xa rma rbʼiʼ Cristo yixyoqʼ, rma ri loqʼoläj rchqʼaʼ Dios, ri kan nimaläj rqʼij, kʼo pan iwiʼ. 15 Ye kʼa, majun ta jun chiwä rïx ttjö poqän xa rma kamsanel, aleqʼon o xa rma nutïtzʼ riʼ pa kikʼaslemal ri nkʼaj chik.