1 Timoteo

2 che rä Timoteo, ri nkʼajol chpan rchʼaʼäl Dios: Kan ütz ta kʼa rnaʼoj tbʼanaʼ Dios awkʼë, tjyowaj ta kʼa awäch chqä kan xtyaʼ ta kʼa uxlanen pan awan; y kan ke riʼ ta chqä tbʼanaʼ Cristo Jesús, ri Qajaw, awkʼë. 4 chqä chë ma tkiyaʼ ta kixkïn chkë ri yetzjöx ri ma ye tzij ta nixta tkitjaʼ kiqʼij rchë nkitamaj achkë xeʼok katiʼt kimamaʼ. Ya riʼ majun yekʼatzin wä, rma xa nkiʼän chë yekiquʼ ri rkʼë jbʼaʼ ma xbʼanatäj ta pa rkʼexel nkikʼüt jojun naʼoj chkiwäch ri petenäq rkʼë Dios ri yekitoʼ rchë nkikʼuqbʼaʼ más kikʼuʼx chrij ryä. 11 ri rkʼwan riʼ rkʼë ri utziläj taq rtzjol ri ye petenäq rkʼë ri Dios ri kʼo kiʼkʼuxlal rkʼë, ri xyaʼöx qʼij chwä rchë xintzjoj. 12 Rïn yityoxin che rä Cristo Jesús ri Qajaw, ri xyaʼ wchqʼaʼ, rma xkʼuqbʼaʼ rkʼuʼx chwij y rma riʼ xyaʼ jun samaj pa nqʼaʼ. 13 Ryä xuʼän riʼ tapeʼ rbʼanon qa xinyöqʼ Dios, xinyaʼ kʼayewal pa rwiʼ rtinamit chqä kan kowan xinnaʼ wiʼ. Tapeʼ ke riʼ, xpoqonäx nwäch rma ma ntaman ta wä chë ma ütz ta ri najin nbʼän chqä ma nkʼuqbʼan ta wä nkʼuʼx chrij Dios. 14 Ye kʼa ri Qajaw kan ütz rnaʼoj xuʼän wkʼë chqä xirtoʼ rchë nkʼuqbʼaʼ nkʼuʼx chrij, y xijowäx rma jnan nwäch rkʼë Cristo Jesús. 15 Re tzij reʼ kan ütz nakʼuqbʼaʼ akʼuʼx chrij chqä kan ütz nanmaj: Cristo Jesús xpë chwäch le Rwachʼlew rchë yerköl ri ajmakiʼ. Chkë jontir ryeʼ, yïn rïn ri más ajmak. 18 Timoteo, ri nkʼajol, nbʼij reʼ chawä rma ri profecías ri xebʼix qa chawij, rchë ke riʼ, kimä ri profecías riʼ, rït ma xtayaʼ ta qa ri utziläj chʼaʼoj, 19 ma xtkʼis ta ri akʼuqbʼäl kʼuʼx chqä chʼajchʼöj xtjeʼ aconciencia. Ye kʼo jojun ma xkajoʼ ta xkichajij riʼ, y rma riʼ ri kikʼuqbʼäl kʼuʼx xa xchaʼ chiʼ, kan achiʼel taq jun barco nbʼä äl chuxeʼ yaʼ.