Colosenses

4 Nbʼij reʼ chiwä rchë chë majun ta jun xtqʼolö iwchë kikʼë naʼoj ri xa yatikiqʼöl. 6 Rma riʼ, achiʼel wä xiʼän taq xinmaj chrij Cristo Jesús ri Qajaw, ke riʼ chqä tibʼanaʼ komä: kan jnan tbʼanaʼ iwäch rkʼë, 7 kuw tichapaʼ iwiʼ chrij kan achiʼel nuʼän rkʼamal jun cheʼ chpan ri ilew, tibʼanaʼ chë ri ikʼuqbʼäl kʼuʼx nkowïr kan achiʼel ta ri rxeʼel jun jay y ma tiyaʼ ta qʼij chë nuʼän kaʼiʼ ikʼuʼx chpan ri rchʼaʼäl Dios. Tibʼanaʼ riʼ kan achiʼel wä xkʼut chiwäch, y ronojel mul kixtyoxin. 8 Tichajij iwiʼ rchë ma yixqä ta pa rqʼaʼ xa bʼa achkë winäq ri xa kichʼobʼonik ri winäq nukʼüt y naʼoj ri xa ye tzʼukun chqä majun ta kiqʼij nutzjoj; naʼoj ri xa kikʼwan kiʼ kikʼë ri costumbres yekiʼän ri winäq, ri xa kikʼë ri winäq ye petenäq wä y ma rkʼë ta Cristo; 13 [...] Ryä kan rkʼë ronojel ran xküy jontir qamak 17 Jontir reʼ xa xuʼ xkʼambʼej tzij chrij ri kʼo wä chë nbʼanatäj, rma kan chrij ri Cristo xkʼambʼej wä tzij. 19 Y ma nkikʼwaj ta kiʼ rkʼë ri jolomäj, ri nbʼanö chë jontir ri chʼakulaj nutzüq riʼ chqä ma nujäch ta riʼ kimä ri ibʼöchʼ chqä ri yetnü ri bʼaq, y kan yë Dios nbʼanö chë nkʼïy.