Juan

12 Kʼa kʼo na kʼïy ri nwajoʼ nbʼij chiwä, ye kʼa komä ma xtqʼax ta chiwäch. 24 Kʼa komä, rïx majun ta jun ikʼutun pa nbʼiʼ. Tikʼutuj y xtyaʼöx chiwä, rchë ke riʼ ronojel mul kiʼ ikʼuʼx xtiʼän. 26 Ri qʼij riʼ, rïx pa nbʼiʼ rïn xtikʼutuj che rä Ntat ri nkʼatzin chiwä. Rkʼë ya reʼ ma najin ta nbʼij chë rïn xkikʼutun che rä ryä ri niwajoʼ rïx. 27 Y nwajoʼ nbʼij chiwä chë Ntat kan kowan yixrajoʼ, rma rïx yinijowan pä chqä xinmaj chë yë Dios xitaqö pä. 32 Tikʼoxaj kʼa reʼ. Xtapon ri hora —y kan xapon yän— chë rïx xkixtalüx äl. Rïx xkixbʼä äl chiwachoch y nyonïl xkiniyaʼ qa. Ye kʼa, ma nyonïl ta yïn kʼo, rma Ntataʼ kʼo wkʼë. 33 Nbʼin pä jontir reʼ chiwä rchë chë wmä rïn ma xtchʼpü ta ikʼuʼx. Rïx xtitäj poqän pa kiqʼaʼ ri winäq. Ye kʼa ¡ma tixiʼij ta iwiʼ!, rïn xichʼakon chrij ri itzel ri kʼo chwäch le Rwachʼlew».