Salmos

51 Nimaläj nDios, rma ri nimaläj ajowabʼäl kʼo awkʼë, takʼutuʼ chi nwäch chë kiʼ akʼuʼx wkʼë. Rma ri nimaläj joyowanïk kʼo awkʼë, tamestaj ri mak xinbʼän chawäch. 2 Tachʼajchʼobʼej ri wan rchë ma itzel ta chik nnaʼ rma ri xinbʼän, kinajosqʼij rma ri mak xinbʼän. 3 Kan ntaman achkë nmak xinbʼän, y kan ronojel mul nnatäj pä chwä. 4 Ximakun chawäch —kan chawäch rït ximakun wä—; xinbʼän ri ma ütz ta chawäch. Y rma kan pa rchojmil yatzjon, kan pa rbʼeyal yaqʼatö tzij. 5 Rïn kan pa mak xinaläx wä; kan xa xuʼ xkanaj qa pa yabʼil nteʼ chwij, kan kʼo wä qa chik mak chwij. 6 Rït kan janina jaʼäl nanaʼ taq jun winäq kʼo ri kantzij pa ran; takʼutuʼ chwäch ri wan ri kantzij naʼoj. 10 Dios, tabʼanaʼ chʼajchʼöj che rä ri wan; tayaʼ jun kʼakʼakʼ espíritu pa wan, jun ri ma yaturyaʼ ta qa. 12 Tabʼanaʼ chë kiʼ chik jmul nkʼuʼx nbʼän taq rït yinaköl; kinatoʼ rchë kan nrayij nnmaj atzij. 14 Kinatoʼ rchë ma nwejqalej ta jun kamïk [...] 17 Ri spanïk ri nqä chwäch Dios ya riʼ taq jun winäq ntiʼon ran rma ri mak xuʼän; jun winäq ri ntiʼon ran chqä kowan nbʼison ma xtatzelaj ta rït, Nimaläj Dios.